Foto: Gov.kz
QR Memlekettik qyzmet isteri agenttigi kórnekti memleket jáne qoǵam qairatkeri Berdibek Máshbekuly Saparbaevqa arnalǵan «Saparbaev tulǵasy» atty kitaptyń tusaýkeserin ótkizdi, dep habarlaidy Ult.kz.
Is-shara Memlekettik basqarý akademiiasynda ótip, oǵan memlekettik organdardyń ókilderi, ziialy qaýym, áriptesteri, shákirtteri men otbasy músheleri qatysty.
Agenttik tóraǵasy Darhan Jazyqbai Berdibek Saparbaevtyń 40 jyldan astam memlekettik qyzmettegi eńbegin atap ótti. Saparbaev qatardaǵy qyzmetkerden bastap bes oblystyń ákimi jáne Premer-ministrdiń orynbasary laýazymyna deiin kóterilgen. Halyq ony ádildigi men tabandylyǵy úshin «daǵdarys menedjeri» dep ataǵan.
Zeinetke shyqqan soń, ol Memlekettik basqarý akademiiasynda dáris oqyp, memlekettik qyzmetshilerdi tárbieleýge atsalysty. «Saparbaev tulǵasy» kitaby — onyń el damýyna qosqan úlesin jastarǵa úlgi etip kórsetý maqsatynda jaryq kórgen mańyzdy eńbek.
Kitapty qurastyrýshylar Ulan Aihojaev pen Abai Seifýllauly bul týyndyny memlekettik qyzmetke adaldyq pen elge qyzmet etýdiń úlgisi retinde sipattaidy.
