فوتو: Gov.kz
قر مەملەكەتتٸك قىزمەت ٸستەرٸ اگەنتتٸگٸ كٶرنەكتٸ مەملەكەت جەنە قوعام قايراتكەرٸ بەردٸبەك مەشبەكۇلى ساپارباەۆقا ارنالعان «ساپارباەۆ تۇلعاسى» اتتى كٸتاپتىڭ تۇساۋكەسەرٸن ٶتكٸزدٸ, دەپ حابارلايدى Ult.kz.
ٸس-شارا مەملەكەتتٸك باسقارۋ اكادەميياسىندا ٶتٸپ, وعان مەملەكەتتٸك ورگانداردىڭ ٶكٸلدەرٸ, زييالى قاۋىم, ەرٸپتەستەرٸ, شەكٸرتتەرٸ مەن وتباسى مٷشەلەرٸ قاتىستى.
اگەنتتٸك تٶراعاسى دارحان جازىقباي بەردٸبەك ساپارباەۆتىڭ 40 جىلدان استام مەملەكەتتٸك قىزمەتتەگٸ ەڭبەگٸن اتاپ ٶتتٸ. ساپارباەۆ قاتارداعى قىزمەتكەردەن باستاپ بەس وبلىستىڭ ەكٸمٸ جەنە پرەمەر-مينيستردٸڭ ورىنباسارى لاۋازىمىنا دەيٸن كٶتەرٸلگەن. حالىق ونى ەدٸلدٸگٸ مەن تاباندىلىعى ٷشٸن «داعدارىس مەنەدجەرٸ» دەپ اتاعان.
زەينەتكە شىققان سوڭ, ول مەملەكەتتٸك باسقارۋ اكادەميياسىندا دەرٸس وقىپ, مەملەكەتتٸك قىزمەتشٸلەردٸ تەربيەلەۋگە اتسالىستى. «ساپارباەۆ تۇلعاسى» كٸتابى — ونىڭ ەل دامۋىنا قوسقان ٷلەسٸن جاستارعا ٷلگٸ ەتٸپ كٶرسەتۋ ماقساتىندا جارىق كٶرگەن ماڭىزدى ەڭبەك.
كٸتاپتى قۇراستىرۋشىلار ۇلان ايحوجاەۆ پەن اباي سەيفۋللاۇلى بۇل تۋىندىنى مەملەكەتتٸك قىزمەتكە ادالدىق پەن ەلگە قىزمەت ەتۋدٸڭ ٷلگٸسٸ رەتٸندە سيپاتتايدى.
