Jambyl obylysynyń Tabiǵi resýrstar jáne tabiǵat paidalanýdy retteý basqarmasynyń basshysy bolyp taǵaiyndalǵan Taraz qalasynyń burynǵy ákimi Qairat Dosaev qyzmetinen bosatyldy, - dep habarlaidy "Ult aqparat".
"2021 jyldyń 3 tamyzynda Jambyl oblysy ákiminiń ókimimen Qairat Dosaev qyzmetinen bosatyldy", - dedi oblys ákimdiginiń baspasóz qyzmetindegiler.
Óńir ákimdiginiń baspasóz qyzmetinen málim etkendei, Dosaev 2019 jyldyń 20 jeltoqsanynda Jambyl oblysy ákiminiń ókimimen Jambyl oblysy ákimdiginiń eńbek inspektsiiasy basqarmasynyń basshysy – bas memlekettik eńbek inspektory qyzmetine taǵaiyndalǵan.
Al 2021 jyldyń 30 shildesinde Q. Dosaev 2019 jyldyń 20 jeltoqsanynan bastap atqarǵan Jambyl oblysy ákimdiginiń eńbek inspektsiiasy basqarmasynyń basshysy – bas memlekettik eńbek inspektory qyzmetinen bosatyla otyryp, Jambyl oblysy ákimdiginiń Tabiǵi resýrstar jáne tabiǵat paidalanýdy retteý basqarmasynyń basshysy bolyp teń dárejeli laýazymyna taǵaiyndaldy.
Aita keteiik, buǵan deiin Jambyl oblysynyń ákimi Berdibek Saparbaevqa bir táýlik ishinde kadrlyq qateligin túzetýge tapsyrma berilgen edi.
Sondai-aq, Memleket basshysy Qasym-Jomart Toqaev Jambyl oblysynyń ákimi Berdibek Saparbaevqa 2019 jyly jumysynda edáýir olqylyqtarǵa jol berip, qyzmetinen bosatylǵan Dosaevty ákimdiktiń basqarma basshysy etip taǵaiyndaǵany úshin sógis jariialaǵan bolatyn.
Qairat Dosaev 2019 jyldyń qarasha aiynda qala mektepteriniń birinde 12 jastaǵy qyzdy zorlaý oqiǵasyna bailanysty Taraz qalasynyń ákimi qyzmetinen bosatylǵan.
