QR Premer-Ministriniń orynbasary Berdibek Saparbaev boitumary týraly aitty, dep habarlaidy "Ult aqparat".
Úkimet úiinde ótken baspasóz máslihatynda BAQ ókilderi vitse-premerden kostiýminiń jaǵasyna únemi taǵyp júretin at beinelengen tós belginiń qandai nyshandyq máni bar ekendigin suraǵan bolatyn.
«Árkimniń óz boitumary bolady ǵoi. Bul - meniń boitumarym. Osylai taǵyp júrem. Osyǵan senemin, at qoi. Qazaq ózi jaqsy kóretin adamdy «atyńnan túspe» dep jatady. Sodan shyǵar», - dep jaýap berdi Berdibek Saparbaev.
Sonymen qatar ol bos ýaqytyn qalai ótkizetindigin de aityp berdi.
«Toiǵa baryp júretin ýaqyt joq. Keshkisin, tańerteńgilik, mashinada ketip bara jatqan ýaqytta gazet oqimyn. Jumystan keiin keshkisin, demalysta fitneske, basseinge baramyn. Tańerteń jáne keshke serýendep, jattyǵý jasaimyn», - dedi ol.
Berdibek Saparbaev Jańa jyl merekesin elordada qarsy alatyndyǵyn da atap ótti.
