قر پرەمەر-مينيسترٸنٸڭ ورىنباسارى بەردٸبەك ساپارباەۆ بويتۇمارى تۋرالى ايتتى, دەپ حابارلايدى "ۇلت اقپارات".
ٷكٸمەت ٷيٸندە ٶتكەن باسپاسٶز مەسليحاتىندا باق ٶكٸلدەرٸ ۆيتسە-پرەمەردەن كوستيۋمٸنٸڭ جاعاسىنا ٷنەمٸ تاعىپ جٷرەتٸن ات بەينەلەنگەن تٶس بەلگٸنٸڭ قانداي نىشاندىق مەنٸ بار ەكەندٸگٸن سۇراعان بولاتىن.
«ەركٸمنٸڭ ٶز بويتۇمارى بولادى عوي. بۇل - مەنٸڭ بويتۇمارىم. وسىلاي تاعىپ جٷرەم. وسىعان سەنەمٸن, ات قوي. قازاق ٶزٸ جاقسى كٶرەتٸن ادامدى «اتىڭنان تٷسپە» دەپ جاتادى. سودان شىعار», - دەپ جاۋاپ بەردٸ بەردٸبەك ساپارباەۆ.
سونىمەن قاتار ول بوس ۋاقىتىن قالاي ٶتكٸزەتٸندٸگٸن دە ايتىپ بەردٸ.
«تويعا بارىپ جٷرەتٸن ۋاقىت جوق. كەشكٸسٸن, تاڭەرتەڭگٸلٸك, ماشينادا كەتٸپ بارا جاتقان ۋاقىتتا گازەت وقيمىن. جۇمىستان كەيٸن كەشكٸسٸن, دەمالىستا فيتنەسكە, باسسەينگە بارامىن. تاڭەرتەڭ جەنە كەشكە سەرۋەندەپ, جاتتىعۋ جاسايمىن», - دەدٸ ول.
بەردٸبەك ساپارباەۆ جاڭا جىل مەرەكەسٸن ەلوردادا قارسى الاتىندىعىن دا اتاپ ٶتتٸ.
