Jambyl oblysynyń ákimi Berdibek Saparbaev tanymal áleýmettik jelilerde jeke paraqshasyn ashty, dep habarlaidy "Ult aqparat".
Facebook, Instagram áleýmettik jelicinde paraqshasyn ashqan B.Saparbaev halyqpen erkin dialog qurýǵa daiyn ekendigin jetkizdi. Bul týraly oblys ákiminiń baspasóz qyzmeti habarlady.
«Halyqpen tiimdi bailanys ornatý – el basshylyǵynyń qoiyp otyrǵan basty mindetteriniń biri. Osy oraida, men úshin oblys turǵyndaryn tolǵandyratyn ózekti máselelerden habardar bolyp otyrý jáne soǵan orai jedel áreket ete bilý mańyzdy. Sizdermen ashyq dialog ornatý maqsatynda áleýmettik jelilerdegi jeke paraqshalarymdy ashqandy jón kórdim.
Ózderińizben óńirdegi ózekti máselelerdi sheshý jolynda jan-jaqty pikir almasa otyryp, syndarly qoǵamdyq dialog ornata alatynymyzǵa senimdimin», - dep jazdy ákim alǵashqy jazbasynda.
Ákimniń aitýynsha, ortaq maqsat – ómir sapasynyń joǵary standarttaryna qol jetkizý, Jambyl óńirin ómir súrýge jáne jumys isteýge barynsha qolaily mekenge ainaldyrý.
