QR Energetika ministrligi áleýmettik jelidegi «keibir janarmai beketterinde benzin joq» degen aqparatqa qatysty túsiniktime berdi, dep habarlaidy "Ult aqparat" vedomstvonyń baspasóz qyzmetine silteme jasap.
«Birqatar BAQ pen áleýmettik jelilerde keibir janarmai quiý beketterinde benzin joq degen aqparat paida boldy.
Energetika ministrligi munai óńdeý zaýyttarynda janar-jaǵarmai óndirisi úzdiksiz júrgizilip jatqanyn habarlaidy. Qor kólemi halyqtyń benzinge degen qajettiligin tolyq qamtamasyz etýge jetkilikti.
Osylaisha, benzin tapshylyǵyna esh negiz ben alǵyshart joq.
Eger janar-jaǵarmai quiý stantsiialary benzinniń joqtyǵyn alǵa tartyp, satýdan bas tartsa, bul týraly aqparatty dereý WhatsApp-qa +7 777 999 52 18 telefon nómiri boiynsha habarlaýyńyzdy suraimyz. Energetika ministrliginiń mamandary aqparattyń rastyǵyn tekseredi.
Naryqta janar-jaǵarmai materialdarynyń baǵasy negizsiz ósýi jáne jasandy tapshylyq týǵyzý áreketteri faktileri boiynsha tiisti sharalar qabyldaý úshin quzyrly organdarǵa joldanatyn bolady», - dep málimdedi ministrlik.
