Elimizdiń Energetika ministrligi Qazaqstanda benzin baǵasynyń ósýine negiz joq ekenin alǵa tartty, dep habarlaidy QazAqparat.
«Búginde elimizde benzinniń baǵasy turaqty. Biz binzin baǵasyna qatysty sońǵy 3 jyldyń statistikasyn qaradyq, osy ýaqyt aralyǵynda baǵa 15 teńgege qymbattaǵan. Iaǵni 63 teńgeden 179 teńgege jetken jáne benzin baǵasy ár óńirde ártúrli. Árine baǵanyń Almatyǵa qaraǵanda Atyraýda arzan bolatyny túsinikti. Degenmen búgingi tańda benzin baǵasynyń ósýine negiz joq. Ekinshiden, benzin baǵasyn Energetika ministrligi rettemeitinin eske salǵym keledi. Baǵa naryqqa bailanysty. Iá, keibir benzin óndirýshiler naryq turaqsyzdyǵyn paidalanyp baǵany ósirip, qalta qamyn oilaýy múmkin. Osy oraida biz monitoring júrgizip otyrmyz, maqsat – janar-jaǵarmai tapshylyǵy men baǵa ósýiniń aldyn alý jáne boldyrmaý», - dedi QR Energetika ministriniń birinshi orynbasary Murat Jórebekov OKQ-de ótken baspasóz máslihatynda.
Sondai-aq, vitse-ministr elimizde janar-jaǵarmai baǵasynyń kórshi eldermen salystyrǵanda arzan ekenin tilge tiek etti.
«Janar-jaǵarmai baǵasyn kórshi eldermen salystyrsaq, olarda aitarlyqtai qymbat. Mysaly, AI-92 benzini Qyrǵyzstanda 289 teńge turady, Ózbekstanda 323 teńge al Reseide 287 teńgeni quraidy. Jalpy janar-jaǵarmai baǵasy únemi nazarda», - deidi ol.
