Foto: Kisi.kz, Bekjan Sadyqov
QR Prezidenti janyndaǵy QSZI, Eýropa jáne amerikalyq zertteýler bóliminiń basshysy Bekjan Sadyqov Qazaqstan Prezidenti Qasym-Jomart Toqaevtyń «Ana tili» gazetine bergen suhbaty týraly pikir bildirdi.
"Qazaqstan Prezidenti Qasym-Jomart Toqaev jyl qorytyndysyn shyǵaryp, Qazaqstannyń memlekettik qurylys strategiiasynyń negizinde jatqan negizgi qaǵidattardy atap ótti. Qazaqstannyń syrtqy saiasaty ulttyq strategiiada negizgi oryndy alady, ol eldiń geosaiasi múddelerin, aimaqta jáne jalpy álemde beibitshilik pen turaqtylyqty saqtaýǵa degen umtylysyn da kórsetedi", - deidi ol.
Aitýynsha, jyldam ózgermeli halyqaralyq tártipte Qazaqstan birqatar eldermen jáne halyqaralyq uiymdarmen tiimdi seriktestik ornatýǵa umtylyp, teńgerimdi, pragmatikalyq jáne kópvektorly syrtqy saiasatty jalǵastyrýda.
"Qazaqstannyń syrtqy saiasatynyń mańyzdy qaǵidattarynyń biri – kópvektorlylyq, bul Resei, Qytai, AQSh, Eýropalyq Odaq jáne basqalar siiaqty ártúrli jahandyq oiynshylardyń múddeleri arasyndaǵy teńgerimdi tabýǵa, táýekelderdi barynsha azaitýǵa jáne paidany barynsha arttyrýǵa múmkindik beredi. Bizdiń strategiialyq áriptesterimizben qarym-qatynasty tereńdetý – turaqtylyqtyń kepili", - dep atap ótti.
Bekjan Sadyqov Qazaqstan túrli platformalar arqyly aimaqtyq yntymaqtastyq ideialaryn belsendi túrde alǵa jyljytýda dep esepteidi.
"Syrtqy saiasat pen turaqty damý ekonomikalyq, áleýmettik jáne ekologiialyq turaqtylyqty saqtaýǵa baǵyttalǵan strategiialar arqyly ózara bailanysty, bul ishki jáne halyqaralyq deńgeide mańyzdy ekenin atap ótken jón.
Turaqty damýǵa umtylatyn elder osy salalardaǵy uzaq merzimdi maqsattarǵa qol jetkizý úshin syrtqy saiasatynyń ártúrli aspektilerin biriktiredi. Bul jaǵynan Qazaqstan da tys qalǵan joq", - deidi ol.
Sarapshy ekologiia, klimattyń ózgerýi, energetikalyq qaýipsizdik jáne tsifrlyq transformatsiia máseleleri áli de mańyzdy sala ekenin aitty.
"Qazaqstan orta derjava jáne pragmatikalyq syrtqy saiasaty bar memleket retinde turaqty damýǵa múddeli jáne halyqaralyq uiymdar aiasynda seriktestermen belsendi yntymaqtasady, sondai-aq klimattyń ózgerýimen kúresýge, bioártúrlilikti saqtaýǵa, azyq-túlik qaýipsizdigine qol jetkizýge baǵyttalǵan t.b. jahandyq bastamalarǵa qatysady.
Qazaqstannyń halyqaralyq alańdarǵa atsalysýy elge sý resýrstary, ekologiia jáne kóshi-qonǵa qatysty máselelerdi sheshýge, sondai-aq óńirlik qaýipsizdikti nyǵaitýǵa múmkindik beredi.
Bizdiń kópvektorly syrtqy saiasatymyzdyń taǵy bir mańyzdy tusy men paidasy – taza tehnologiialardy paidalanýǵa, jańartylatyn energiia kózderin damytýǵa jáne infraqurylymdy jańǵyrtýǵa baǵyttalǵan jobalarǵa sheteldik investitsiialardy tartý úshin jaǵdai jasaý. Bul investitsiialar turaqty ekonomikaǵa kóshýdi jedeldetýge kómektesedi", - deidi ol.
Bekjan Sadyqov halyqaralyq arenadaǵy pragmatikalyq áreketterdiń arqasynda elimiz 15,7 milliard AQSh dollaryn tartqanyn, bul Soltústik jáne Ortalyq Aziia aimaǵyndaǵy eń jaqsy nátije bolǵanyn atap ótti. Osylaisha, bizdiń elimiz óziniń syrtqy saiasatyn júzege asyrýda qalyptasqan kózqarasty ustana otyryp, ornyqty damýǵa tikelei áser etetin saiasi turaqtylyqty qamtamasyz etýdi jalǵastyrýda.
