Vaktsinatsiiadan keiin infektsiia juqtyrýshylar sany azaidy, simptomsyz túri de jii kezdesýde, dep habarlaidy QazAqparat belgiialyq Sciensano ǵylymi institýtynyń málimetterine silteme jasai otyryp.
Covid-19-ǵa qarsy vaktsinalaý kampaniiasy bastalǵaly beri Belgiianyń Sciensano ortalyǵy tolyq immýndalǵan adamdarda koronavirýs infektsiiasynyń paida bolýyn muqiiat qadaǵalap keledi.
«Tolyq immýndalǵan 1,421,067 adamnyń tek 0,32%-y (4,526) COVID-19 juqtyrǵan. Alaida, bul jaǵdailardyń úshten ekisinen astamynda eshqandai belgiler bolmaǵan. Bul nátijeler – COVID-19-ǵa qarsy vaktsinalar tiimdiliginiń mańyzdy kórsetkishi»,- deidi belgiialyq ǵalymdar.
COVID - 19 vaktsinalary tiimdiligi óte joǵary ekenin dáleldedi, biraq eshqandai vaktsina 100% qorǵaýdy qamtamasyz ete almaidy.
Biylǵy jyldyń 31 mamyrynda Belgiianyń 2 millionnan astam turǵyny tolyq vaktsinatsiia kýrsynan ótti, onyń 1,421,067-sin tolyq immýndalǵan dep sanaýǵa bolady.
Sonymen qatar 2021 jyldyń mamyr aiynyń ekinshi jartysynda ekpe saldyrǵan 27,979 adamnyń tek 652-sinen COVID-19 infektsiiasy anyqtalǵan.
Bul málimetter tolyq immýndalǵan adamdardyń COVID-19 infektsiiasyna shaldyǵý yqtimaldyǵy az ekenin aiqyn kórsetedi, dep habarlaidy Sciensano.
Sonymen qatar, vaktsinalanǵan adamdar arasynda koronavirýs juqtyrǵandardyń shamamen 68%-ynda COVID-19 belgileri bolmaǵan.
