Antverpen qalasyndaǵy Pýýrs mýnitsipalitetindegi amerikalyq Pfizer farmatsevtikalyq tobynyń belgiialyq filialy COVID-19-ǵa qarsy vaktsinany shyǵarý úshin tańdalǵan eki orynnyń biri bolady, dep habarlaidy "Ult aqparat".
Dúisenbi kúni Pfizer jáne BioNtech kásiporyndary koronavirýsqa qarsy ózderi ázirlegen vaktsina synaqtarynyń úshinshi kezeńiniń (bul maquldaýǵa ótinish berýdiń sońǵy kezeńi) alǵashqy aralyq taldaýynan keiin 90% tiimdi ekenin jariialady. Ony ázirleýshiler 2021 jyly 1,3 milliard doza vaktsina jetkizýdi josparlap otyr.
Densaýlyq saqtaý organdarynyń maquldaýyn kútip otyrǵan vaktsina qazirdiń ózinde Belgiiadaǵy Puurs kásipornynda jáne AQSh-tyń Michigan shtatynda shyǵarylyp jatyr.
«Biz qazirdiń ózinde eki kásiporynda júz myńdaǵan doza shyǵardyq», - dep rastady Belgiiadaǵy Pfizer ókildiginiń qyzmetkeri Koen Kolpaert.
