28 qańtardan bastap Belgiia Úkimeti pandemiia jaǵdaiynda jańa quraldy – «koronavirýs barometrin» iske qosty, dep habarlaidy QazAqparat.
«Koronavirýs barometri» úsh tústen turady - qyzyl, sary jáne qyzǵylt sary. Sary - epidemiologiialyq jaǵdai men baqylaýdaǵy aýrýhanalardyń júktemesin, qyzǵylt sary - epidemiologiialyq jaǵdaidyń nasharlaýyn, qyzyl - densaýlyq saqtaý salasynda jumys aýyrtpalyǵynyń artý qaýpin bildiredi.
«Sheshim jaǵdaidy ǵylymi taldaýǵa, statistikaǵa negizdeledi, sonymen qatar pandemiiamen kúres sharalaryndaǵy áleýmettik sátke nazar aýdarylady», - dep túsindirdi premer-ministr Aleksandr De Kroo.
«Kelesi jumadan bastap biz qyzyl barometr kodyna aýysamyz», - dedi ol.
Sonymen qatar, 1 naýryzdan bastap Belgiia turǵyndarynda birinshi ekpeniń ekinshi dozasy bes aidan astam ýaqyt buryn jasalǵan bolsa, COVID-sertifikatynyń áreketin jalǵastyrý úshin kúsheitkish vaktsina mindetti bolady.
«Qosymsha vaktsinatsiia bizdiń áleýmettik ómirimizdi saqtai alatynymyzǵa kepildik beredi» dep qosty Belgiianyń premer-ministri.
