Belgiia parlamentiniń depýtattary beisenbi kúni elde ornalastyrylǵan amerikalyq iadrolyq qarýdy shyǵarý jáne Iadrolyq qarýǵa tyiym salý jónindegi BUU Kelisimine qosylý týraly jazylǵan rezoliýtsiiany qabyldaýdan bas tartty, dep habarlaidy QazAqparat tilshisi EurActiv jýrnalyna silteme jasap.
Rezoliýtsiiany 66 depýtat qoldap, 74-i qarsy bolǵan.
Qujatty jaqtaǵandar qatarynda sotsialister, jasyldar, tsentrister (cdH), Jumys partiiasy (PVDA) jáne DéFI frankotildi partiia bar.
Qarsy daýys bergender - N-VA ultshyldar partiiasy, flamandyq hristiandyq demokrattar (CD&V), ýltraońshyl «Flamandyq múdde» jáne Flandriia liberaldary.
Aita ketsek, Rojdestvo merekesiniń aldynda Parlamenttiń syrtqy ister jónindegi komiteti Belgiia aýmaǵynan iadrolyq qarýdy shyǵarý jáne eldiń Iadrolyq qarýǵa tyiym salý jónindegi BUU Kelisimine qosylý týraly usynysty maquldaǵan bolatyn.
Rezoliýtsiia jobasynda «Belgiia aýmaǵynan iadrolyq qarýdy shyǵarýǵa baǵyttalǵan jol kartasyn múmkindiginshe jyldam ázirleý» týraly Belgiia úkimetine qaratylǵan úndeý jariialanǵan.
Ótken jyldyń shildesinde NATO Parlamenttik assambleiasy jariialaǵan baiandamada Belgiia NATO kelisimi aiasynda AQSh-tyń iadrolyq qarýyn saqtaityn Eýropanyń sanaýly elderiniń biri ekeni rastalyp ótken. Qarý eldiń soltústigindegi Kliaine Brogel áýebazasynda ornalastyrylǵan.
Belgiia BUU-nyń Iadrolyq qarýǵa tyiym salý jónindegi 2017 jylǵy Kelisimin áli kúnge deiin qoldaǵan joq.
Degenmen, beisenbi kúni daýys berilgen rezoliýtsiia oqiǵanyń barysyn ózgertýi tiis edi. Qoǵamnyń pikirin bilý úshin ótken jyldyń sáýirinde YouGov ótkizgen saýalnama boiynsha belgiialyqtardyń 64% Úkimet kelisimge qol qoiýy kerek dep esepteidi. El halqynyń 17% ǵana oǵan qarsy.
