بەلگييا پارلامەنتٸنٸڭ دەپۋتاتتارى بەيسەنبٸ كٷنٸ ەلدە ورنالاستىرىلعان امەريكالىق يادرولىق قارۋدى شىعارۋ جەنە يادرولىق قارۋعا تىيىم سالۋ جٶنٸندەگٸ بۇۇ كەلٸسٸمٸنە قوسىلۋ تۋرالى جازىلعان رەزوليۋتسييانى قابىلداۋدان باس تارتتى, دەپ حابارلايدى قازاقپارات تٸلشٸسٸ EurActiv جۋرنالىنا سٸلتەمە جاساپ.
رەزوليۋتسييانى 66 دەپۋتات قولداپ, 74-ٸ قارسى بولعان.
قۇجاتتى جاقتاعاندار قاتارىندا سوتسياليستەر, جاسىلدار, تسەنتريستەر (cdH), جۇمىس پارتيياسى (PVDA) جەنە DéFI فرانكوتٸلدٸ پارتييا بار.
قارسى داۋىس بەرگەندەر - N-VA ۇلتشىلدار پارتيياسى, فلاماندىق حريستياندىق دەموكراتتار (CD&V), ۋلتراوڭشىل «فلاماندىق مٷددە» جەنە فلاندرييا ليبەرالدارى.
ايتا كەتسەك, روجدەستۆو مەرەكەسٸنٸڭ الدىندا پارلامەنتتٸڭ سىرتقى ٸستەر جٶنٸندەگٸ كوميتەتٸ بەلگييا اۋماعىنان يادرولىق قارۋدى شىعارۋ جەنە ەلدٸڭ يادرولىق قارۋعا تىيىم سالۋ جٶنٸندەگٸ بۇۇ كەلٸسٸمٸنە قوسىلۋ تۋرالى ۇسىنىستى ماقۇلداعان بولاتىن.
رەزوليۋتسييا جوباسىندا «بەلگييا اۋماعىنان يادرولىق قارۋدى شىعارۋعا باعىتتالعان جول كارتاسىن مٷمكٸندٸگٸنشە جىلدام ەزٸرلەۋ» تۋرالى بەلگييا ٷكٸمەتٸنە قاراتىلعان ٷندەۋ جارييالانعان.
ٶتكەن جىلدىڭ شٸلدەسٸندە ناتو پارلامەنتتٸك اسسامبلەياسى جارييالاعان باياندامادا بەلگييا ناتو كەلٸسٸمٸ اياسىندا اقش-تىڭ يادرولىق قارۋىن ساقتايتىن ەۋروپانىڭ ساناۋلى ەلدەرٸنٸڭ بٸرٸ ەكەنٸ راستالىپ ٶتكەن. قارۋ ەلدٸڭ سولتٷستٸگٸندەگٸ كلياينە بروگەل ەۋەبازاسىندا ورنالاستىرىلعان.
بەلگييا بۇۇ-نىڭ يادرولىق قارۋعا تىيىم سالۋ جٶنٸندەگٸ 2017 جىلعى كەلٸسٸمٸن ەلٸ كٷنگە دەيٸن قولداعان جوق.
دەگەنمەن, بەيسەنبٸ كٷنٸ داۋىس بەرٸلگەن رەزوليۋتسييا وقيعانىڭ بارىسىن ٶزگەرتۋٸ تيٸس ەدٸ. قوعامنىڭ پٸكٸرٸن بٸلۋ ٷشٸن ٶتكەن جىلدىڭ سەۋٸرٸندە YouGov ٶتكٸزگەن ساۋالناما بويىنشا بەلگييالىقتاردىڭ 64% ٷكٸمەت كەلٸسٸمگە قول قويۋى كەرەك دەپ ەسەپتەيدٸ. ەل حالقىنىڭ 17% عانا وعان قارسى.
