Aǵylshyndyq «Lester» klýbynyń 25 jastaǵy qorǵaýshysy Timoti Kastan Eýro-2020-daǵy alǵashqy matchtan keiin Belgiia quramasynan ketedi, dep habarlaidy Nieuwsblad.
Eske sala keteiik, V toby aiasynda Belgiia Reseidi 3:0 esebimen oisyrata jeńgen bolatyn.
Kastan match kezinde «Zenittiń» jartylai qorǵaýshysy Daler Kýziaevpen soqtyǵysyp qaldy. Osydan keiin Timotige kóz uiasynyń qosarlanǵan synýy diagnozy qoiyldy.
Ótken maýsymda Kastan «Lester» úshin barlyq týrnirde 34 kezdesýge qatysyp, onda eki gol jáne tórt nátijeli pas bergen bolatyn. Onyń klýbpen kelisimsharty 2025 jyldyń 30 maýsymyna deiin jasalǵan jáne transfer baǵasy 28 million eýroǵa baǵalanǵan.
Eýro-2020 toptyq kezeńniń ekinshi ainalymynda Belgiia quramasy Daniia komandasymen kezdesedi. Match Kopengagende (Daniia) beisenbi kúni ótedi.
