Belgili jýrnalist Qanat Áýesbai «Qazaqstan» respýblikalyq teleradiokorporatsiiasy» AQ Atyraý oblystyq filialynyń direktory qyzmetine taǵaiyndaldy, dep habarlaidy "Ult aqparat".
Qanat Áýesbai ál-Farabi atyndaǵy qazaq ulttyq ýniversitetiniń jýrnalistika fakýltetin «Halyqaralyq jýrnalistika» mamandyǵy boiynsha támamdaǵan (1999-2004 jj.). Ál-Farabi atyndaǵy QazUÝ aspirantýrasyn bitirip, 2010 jyly «Qazaq telearnalaryndaǵy aqparattyq baǵdarlamalar tabiǵaty» taqyrybynda kandidattyq dissertatsiia qorǵady, filologiia ǵylymdarynyń kandidaty. QR Prezidentiniń halyqaralyq «Bolashaq» stipendiiasynyń stipendianty. 2013-2014 jj. Ulybritaniianyń Norvich qalasyndaǵy Shyǵys Angliia ýniversitetinde oqydy (University of East Anglia, Norwich). 2016 jyly Qazaq ekonomika, qarjy jáne halyqaralyq saýda ýniversitetin «Ekonomika» mamandyǵy boiynsha bitirgen.
Qyzmet jolyn ol 2002 jyly «Túrkistan» halyqaralyq gazetiniń tilshisi bolyp bastaǵan. Ár jyldary «31» arnanyń «Informbiýro» jańalyq qyzmetiniń tilshisi, «Qazaqstan» ulttyq arnasynyń aqparattyq-saraptamalyq baǵdarlamalar Direktsiiasynda (ASBD) tilshi, aǵa tilshi, redaktor-sarapshy, Qazaqstan Prezidentiniń jýrnalistik pýl tilshisi, «Apta.kz» aqparattyq-saraptamalyq baǵdarlamasynyń shef-redaktory, júrgizýshisi, «Qazaqstan 2050» Jalpyulttyq qozǵalysynyń media-direktory, «BNews» aqparat portalynyń sarapshysy boldy. 2018 jyldan Qazaqstan Respýblikasynyń Tuńǵysh Prezidenti-Elbasy kitaphanasynyń baspasóz qyzmetiniń aǵa sarapshysy, «Astana» arnasynda «Ruh.kz» tok-shoýynyń júrgizýshisi, stsenaristi boldy. 2011 jyldan beri L.Gýmilev atyndaǵy Eýraziia ulttyq ýniversitetiniń jýrnalistika jáne saiasattaný fakýltetiniń dotsenti.
Qanat Áýesbai eńbek jolynda túrli marapatqa ie bolǵan: QR Bailanys jáne aqparat ministrliginiń «Qazaqstannyń gúldenýine arnalǵan úzdik telejoba» diplomy (2011 j.), Qazaqstan jýrnalister Odaǵy syilyǵynyń laýreaty (2011 j.), Qazaqstan jastar Odaǵy «Serper» syilyǵynyń laýreaty (2013 j.), «Nur Otan» partiiasynyń BAQ ókilderine arnalǵan «Nur Suńqar» respýblikalyq baiqaýynyń «Kózqaras» atalymyndaǵy jeńimpazy (2016 j.), QR Aqparat jáne kommýnikatsiialar ministrliginiń «Aqparat salasynyń úzdigi» tósbelgisimen marapattalǵan (2017 j.).
QR Prezidenti janyndaǵy jastar saiasaty jónindegi Keńes múshesi, Qazaqstan bas redaktorlary klýbynyń múshesi, QR Prezidentiniń halyqaralyq «Bolashaq» stipendiiasy stipendianttary qaýymdastyǵynyń múshesi, Qazaqstan Pedagogikalyq Ǵylymdar Akademiiasynyń korrespondent-múshesi.
«Qazaqstan» RTRK» AQ - «Qazaqstan» ulttyq telearnasy, «Balapan», «Qazsport», «Tamasha TV» telearnalary, «Qazaq radiosy», «Shalqar», «Astana», «Classic» radiolaryn jáne 14 aimaqtyq teleradiokompaniialardy biriktiretin elimizdegi eń iri media-qurylym. Respýblikalyq teleradiokorporatsiiaǵa 2019 jylǵy sáýirden bastap Lázzat Tanysbai basshylyq etedi.
