Tanymal jýrnalist, jazýshy, qoǵam qairatkeri Ábilfaiyz Ydyrysov 89 jasynda dúnieden ótti, dep habarlaidy "Ult aqparat".
Ábilfaiyz Ydyrysov 1930 jyly 23 aqpanda Qostanai oblysynyń Amangeldi aýdanyndaǵy Egindisai aýylynda týǵan. Jazýshy, jýrnalist, pedagog, tarih ǵylymdarynyń kandidaty. Óziniń eńbek jolyn «Qazaqstan pioneri» gazetiniń redaktsiiasynda ádebi qyzmetker retinde bastap, bas redaktor qyzmetine deiin kóterilgen. Sondai-aq, radioda, respýblikalyq basylymdarda tynymsyz eńbek etti.
Óziniń shyǵarmashylyq eńbek jolynda 800-den astam pýblitsistikalyq maqalalar, ocherkter, oqýlyqtar, «Qazaq jýrnalistikasynyń tarihy», «Ocherk jýrnalistika janry retinde», «Baspa ónimderin ásemdeý» taǵy basqa da pánder boiynsha ádistemelik quraldar daiyndady. Ábilfaiyz Ydyrysov derekti «Tańsholpan» romanynyń avtory retinde de tanymal bolǵan qalamger.
Ol - Qazaqstannyń Ulybritaniiadaǵy, Islandiiadaǵy jáne Irlandiiadaǵy Tótenshe jáne Ókiletti elshisi, burynǵy syrtqy ister ministri Erlan Ydyrysovtyń ákesi.
