Belgili telejúrgizýshi Meirambek Taýbaldiev anasyn Atyraý oblysyndaǵy aýyldaǵy imam qudaimen qorqytty dep málimdedi. Bul týraly Facebook jelisindegi paraqshasynda jazdy.
Onyń aitýynsha, Ganiýshkin selosyndaǵy "Temirəli" meshitiniń dini qyzmetkeri onyń anasyn qudaimen qorqytyp, dóreki habarlamalar jazǵan. "Imam nege imansyz!? Birden aitaiyn, bul sóz Ganiýshkin selosyndaǵy "Temirəli" meshitiniń dini qyzmetkerine qatysty aitylyp otyr. Qysqasy... Naǵashy əjemizdiń jyldyq asyn ótkizgen anam qaýmalaǵan týma-týystardyń babyn tabam dep júrip, Quran oqýǵa kelgen imamdy esten shyǵaryp alsa kerek! Atyraý oblysy, Qurmanǵazy aýdany Ganiýshkin selosyndaǵy meshittiń imamy jazypty! Imamnyń aty-jóni - Sərsenbai Bikenov", - dep jazdy Meirambek Taýbaldiev.
Sonymen qatar, ol aýyl imamynan kelgen hattyń skrinshotyn keltirip otyr.
© facebook.com/Meirambek Taýbaldiev
"Imamdar qashannan beri qudaidyń atynan sóileitin bolǵan?! "Islam - beibitshilik, musylman - kórkem minezdi jan, QMDB Əbý-Hanipa mazhabynyń mamandaryn osylai tərbieleitin bolǵan ba!? Islam dinine mahabbatty ósire almai júrgende, sezimdi sýytyp, óshirýge imam da atsalysatyn bolǵan ba!? 4. Ərine, aqsha kerek, eńbek ótemi bolýy tiis! Biraq qaiǵyly qazaǵa qabyrǵasy qaiysyp, qara jamylǵan otbasyǵa agressiialyq "demeý" kórsetken Sərsenbai imamǵa "srochno" mamandyq aýystyrý kerek! Qurmetti QMDB qyzmetkerleri! Bile júrińiz! "Bir qumalaq bir qaryn maidy shiritedi". Aitpaqshy, sol kúni anam eńbekaqysyn jetkizipti. Qaryz emespiz! Kim bilgen, Alla jazamyzdy berip júrer?!", - dep shamdandy jazba avtory.
Óz kezeginde Qazaqstan musylmandary dini basqarmasynyń baspasóz hatshysy Aǵabek Qonarbaiuly bul jaǵdaidyń tekseriletinin atap ótti. "Biz anyqtap alaiyq. Biz birinshi oblys imamymen bailanysqa shyǵamyz. Bul oqiǵanyń qanshalyqty ras ekenin anyqtaimyz. Dálelderi bar ma, joq pa álde bul múmkin jala ma - anyqtaimyz", - dedi QMDB resmi ókili.
