Foto: QR MAM
Qazaqstan Respýblikasynyń Mádeniet jáne aqparat ministrligi tanymal telejýrnalist Dilia Ibragimovanyń dúnieden ótkenine bailanysty onyń týǵan-týystary men áriptesterine qaiǵyra kóńil aitty, dep habarlaidy Ult.kz.
Dilia Ibragimova uzaq jyldar boiy «Habar» jáne «KTK» telearnalarynda sport jańalyqtaryn júrgizip, qazaqstandyq sport jýrnalistikasynda ózindik qoltańbasyn qaldyrǵan tulǵa edi. Kásibi sheberligimen, azamattyq ustanymymen jáne sport salasyna degen súiispenshiligimen kóptiń qurmetine bólengen.
Ministrlik marqumnyń otandyq jýrnalistikanyń damýyna qosqan zor úlesin atap ótip, onyń jarqyn beinesi el jadynda máńgi saqtalatynyn jetkizdi.
Marqumnyń jany jánnatta, imany salamat bolsyn.
