Qoǵam qairatkeri, oppozitsiiadaǵy saiasatker Baltash Tursymbaev 76 jasqa qaraǵan shaǵynda dúnieden ozdy. Bul habardy áleýmettik jelide onyń serikteri jetkizdi Al "Dat" gazetiniń jetekshisi Ermurat Bapidyń aitýynsha, saiasatker júrek talmasy ustap, kenetten qaitys bolǵan, dep habarlaidy Azattyq.
1946 jyly Reseidiń Omby oblysyna qarasty Kishi Borankól aýylynda týǵan Tursymbaev 1991-1995 jyldary Soltústik Qazaqstan oblysy atqarý komitetiniń tóraǵasy, Premer-ministrdiń orynbasary, Aýyl sharýashylyǵy ministri, Qostanai oblysynyń ákimi, Qaýipsizdik keńesi tóraǵasynyń orynbasary, Syrtqy ister ministrliginiń arnaýly tapsyrmalar jónindegi elshisi, Qazaqstannyń Túrkiiadaǵy tótenshe jáne ókiletti elshisi qyzmetterin atqarǵan.
Ol elshilikte júrip Qazaqstan biligin qatań synady. Onyń syni pikirleri qoǵam nazaryn aýdaryp, ózi yqpaldy saiasatkerge ainala bastady. 1998 jyly Qazaqstannyń sol kezdegi prezidenti Nursultan Nazarbaev Baltash Tursymbaevty Astanaǵa (qazirgi Nur-Sultan qalasy - Red.) qaitadan Premer-ministr orynbasary qyzmetine taǵaiyndady. Alaida 1999 jyly qańtarda prezident sailaýynan keiin Nursultan Nazarbaev ózi jeńiske jetken soń qyzmetinen bosatty.
Baltash Tursymbaev memlekettik qyzmetten ketkennen keiin oppozitsiialyq kúshterdiń qataryna qosyldy. Ol kóp jyldar boiy bilikke synshyl kózqarasymen tanylyp, qoǵamdyq saiasi ómirge belsene aralasty.
