قوعام قايراتكەرٸ, وپپوزيتسيياداعى ساياساتكەر بالتاش تۇرسىمباەۆ 76 جاسقا قاراعان شاعىندا دٷنيەدەن وزدى. بۇل حاباردى ەلەۋمەتتٸك جەلٸدە ونىڭ سەرٸكتەرٸ جەتكٸزدٸ ال "دات" گازەتٸنٸڭ جەتەكشٸسٸ ەرمۇرات باپيدىڭ ايتۋىنشا, ساياساتكەر جٷرەك تالماسى ۇستاپ, كەنەتتەن قايتىس بولعان, دەپ حابارلايدى ازاتتىق.
1946 جىلى رەسەيدٸڭ ومبى وبلىسىنا قاراستى كٸشٸ بورانكٶل اۋىلىندا تۋعان تۇرسىمباەۆ 1991-1995 جىلدارى سولتٷستٸك قازاقستان وبلىسى اتقارۋ كوميتەتٸنٸڭ تٶراعاسى, پرەمەر-مينيستردٸڭ ورىنباسارى, اۋىل شارۋاشىلىعى مينيسترٸ, قوستاناي وبلىسىنىڭ ەكٸمٸ, قاۋٸپسٸزدٸك كەڭەسٸ تٶراعاسىنىڭ ورىنباسارى, سىرتقى ٸستەر مينيسترلٸگٸنٸڭ ارناۋلى تاپسىرمالار جٶنٸندەگٸ ەلشٸسٸ, قازاقستاننىڭ تٷركيياداعى تٶتەنشە جەنە ٶكٸلەتتٸ ەلشٸسٸ قىزمەتتەرٸن اتقارعان.
ول ەلشٸلٸكتە جٷرٸپ قازاقستان بيلٸگٸن قاتاڭ سىنادى. ونىڭ سىني پٸكٸرلەرٸ قوعام نازارىن اۋدارىپ, ٶزٸ ىقپالدى ساياساتكەرگە اينالا باستادى. 1998 جىلى قازاقستاننىڭ سول كەزدەگٸ پرەزيدەنتٸ نۇرسۇلتان نازارباەۆ بالتاش تۇرسىمباەۆتى استاناعا (قازٸرگٸ نۇر-سۇلتان قالاسى - رەد.) قايتادان پرەمەر-مينيستر ورىنباسارى قىزمەتٸنە تاعايىندادى. الايدا 1999 جىلى قاڭتاردا پرەزيدەنت سايلاۋىنان كەيٸن نۇرسۇلتان نازارباەۆ ٶزٸ جەڭٸسكە جەتكەن سوڭ قىزمەتٸنەن بوساتتى.
بالتاش تۇرسىمباەۆ مەملەكەتتٸك قىزمەتتەن كەتكەننەن كەيٸن وپپوزيتسييالىق كٷشتەردٸڭ قاتارىنا قوسىلدى. ول كٶپ جىلدار بويى بيلٸككە سىنشىل كٶزقاراسىمەن تانىلىپ, قوعامدىق ساياسي ٶمٸرگە بەلسەنە ارالاستى.
