Elimizdegi múiizi qaraǵaidai Eýraziia Ulttyq ýniversitetiniń professory magistranttarǵa dep bólinetin bilim granttarynyń kimge ketip jatqanyn ashyq aityp berdi, dep habarlady KTK.
Myrzantai Jaqyptyń aitýynsha, joǵary oqý ornynda tegin oqý múmkindigi talantty jastarǵa emes, sabaqqa múlde kelmeitin juldyzdarǵa úlestiriledi. Onyń ishinde, ataqty ánshi, asaba, áigili telejúrgizýshiler de bar. Tek sahnadan ǵana kórinetin stýdentterge ustazdar joǵary baǵa qoiýǵa májbúr eken.
Belgili dotsent Myrzantai Jaqypty joǵary oqý oryndaryndaǵy jaǵdai ábden mezi qylypty. Memlekettik grant iegerlerin anyqtaýǵa qatysatyn ustaz báige shappai jatyp-aq, júldegerlerdiń belgili bolatynyn aitady.
"Ár mamandyqqa magistratýraǵa bólingen oryndar bar, 10-20 oryn. Olardyń keminde 30 paiyzyn sondai syrttan kelgen, sahnada júrgen, toi-tomalaqta júrgen asabalar, arzanqol ánshisymaqtar dep aitar edim, sondai adamdar alyp ketedi. Osylai úzdik bitirgen birneshe stýdentim magistratýraǵa túse almai, dalada qaldy. Byltyr da boldy, aldyńǵy jyly da boldy. Ol jyl saiyn qaitalanady. Ol biyl da solai bolady!", — deidi Myrzantai Jaqyp.
Al grantqa túsken stýdentterin sosyn oqytýshylar tek sahnadan ǵana kórip júredi eken. Kóbi halyqtyń súiikti ánshileri. Memlekettik esebinen "magistr" atanǵandardyń ishinde – Meirambek Besbaev, Janar Duǵalova, Qairat Nurtas ta júr. Ánderin súiip tyńdaǵanymen, ustazdardyń bul stýdentterge ókpesi "qara qazandai".
"Eki jyl sabaqqa kelmeidi olar. Basynda bir kórinedi. Olardyń sabaqqa kelgeniniń ózi bir shoý! Oibai, pálenshe sabaqqa keldi! Ol sabaqqa kelýge mindetti ǵoi! Bir kórindi, sonymen joq! Ol eki jyldan keiin diplomyn alatyn kezde bir-aq keledi…Oqý ornyna kelgen kezde aýditoriiaǵa kirmeidi. Olar tike bastyqtarǵa barady. Olar rektorǵa, prorektorǵa, dekanǵa barady, sóitedi de bizge tapsyrma beredi. Eki jyl kelmegen balaǵa baǵa qoiyp berińder deidi. Qoimasań, qorqytýǵa kirisedi. Jumystan shyǵartyp jiberem deidi, rektorattan qysym jasaidy", — dep ashyndy ýniversitet dotsenti.
Al kesiri bilimdi jastarǵa tigen. Soraqysy sol, grantqa talasqan "juldyzdar" kóbeimese, azaiatyn túri joq eken. Tipti, biyl da qujat qabyldaý áli bastalmasa da, kimniń tegin oqitynyn ustazdarǵa aldyn-ala aitylyp qoiǵan eken.
"Qansha adamǵa biz obal jasap jatyrmyz. Aldyn ala tizim jasap qoiamyz. Mysaly magistratýraǵa 20 oryn berse, 20 orynǵa tizim jasap qoiǵanbyz. Ol aǵylshyn tilin bile me, joq pa, ol jaǵyn eshkim qarap jatqan joq. Olardy ótkizý kerek. Teginnen-tegin ótkizip jatpaǵanyn bárimiz bilemiz ǵoi! Baqylaýdy kúsheitý kerek! Kerek bolsa osyǵan deiin bitirgenderdi tekserý kerek", — dep tolyqtyrdy professor.
Dotsenttiń bul janaiqaiyna Meirambek Besbaev jaýap berdi. Áleýmettik jelige jazǵan ánshi buǵan deiin de birneshe oqý ornyn bitirgenin alǵa tartyp, kerisinshe ǵalymnyń ishtarlyǵyn betke basqan. Al basqalary qandaida bir túsinikteme berýden bas tartty. Soǵan qaraǵanda, tilshilerden góri, toi ielerimen tildeskendi jón sanasa kerek. Osylaisha, memlekettik granttyń ondy-soldy taratylyp jatqanyn jariia qylǵan ustaz iske quzyrly organdar aralasýyn qalaidy.
