Tanymal qazaqstandyq akter Iýrii Pomerantsev 100 jasqa qaraǵan shaǵynda dúnieden ótti. Aqparatty Mihail Lermontov atyndaǵy Ulttyq orys drama teatry rastady, - dep habarlaidy Tengrinews.kz.
Iýrii Pomerantsev 1923 jyly 11 aqpanda Kievte dúniege kelgen. 30-jyldary ákesi Qaraǵandy shahtasynda jumys istep, otbasy osy qalaǵa kóship keldi. Biraq 1938 jyly ákesi atylyp, kishkentai Iýra anasymen birge Máskeýge kóshýge májbúr bolady. Mektep bitirgen jas túlek soǵysqa attanyp, jaraly bolyp oralady.
Uzaq emdelgennen keiin 1943 jyly Almatyǵa kóship kelip, keiin anasyn kóshiredi. Teatrǵa degen mahabbaty osydan bastalǵan. Iýrii Pomerantsev alǵash ret Natalia Satstyń balalarǵa arnalǵan jańadan ashylǵan teatrynyń "Qyzyl telpek" spektaklinde qasqyrdyń rólin somdaǵan. Osylaisha arnaiy bilimi bolmasa da, akterlyq mansaby bastalady.
Pomerantsev 79 jyl sahnada 300-den astam róldi somdaǵan. Ol 1957 jyly "Bizdiń súiikti dáriger" filmine túsip, doktor Anatolii Nikolaevich Lavrovtyń rólin somdaǵannan keiin tanymaldylyq pen halyqtyń ystyq yqylasyna ie bolady. Qazaqstannyń Eńbek Eri, kóptegen ordenderdiń, sonyń ishinde Eńbek Qyzyl Tý, Otan soǵysy jáne "Otan" ordenderiniń iegeri.
