Ekonomist Oljas Tóleýov Ulttyq bank basshysynyń keńesshisi bolyp taǵaiyndaldy, dep habarlaidy "Ult aqparat".
Oljas Tóleýov aqsha-nesie saiasatyna, makroekonomikaǵa, ekonomikalyq-matematikalyq modeldeýge jáne t.b. máselelerge qatysady.
Oljas Tóleýov ál-Farabi atyndaǵy Qazaq ulttyq ýniversitetiniń ekonomika jáne biznes joǵary mektebin bitirgen. Sonymen qatar ol Qazaqstan Respýblikasy Ulttyq bankiniń magistri. Výsong ýniversitetiniń (Koreia Respýblikasy) Solbridge biznes mektebinde, Reseidiń Ortalyq bankinde, Chehiia men Shveitsariianyń Ulttyq bankterinde, sondai-aq BUU-nyń Aziia jáne Tynyq muhityna arnalǵan ekonomikalyq jáne áleýmettik komissiiasynda (ESCAP) taǵylymdamadan ótip, bilimin jetildirgen.
Oljas Tóleýov ár jyldary AERC ǵylymi-keńes berý kompaniiasynda jumys istedi. Osy ýaqyt ishinde ol biznes-taldaýshy qyzmetinen basqarýshy direktor laýazymyna deiin kóterildi, strategiialyq jáne kvazimemlekettik jobalar men baǵdarlamalardy ázirleýge qatysty.
Taǵaiyndaýǵa deiin, ol Eńbek jáne halyqty áleýmettik qorǵaý ministrliginiń janyndaǵy «Eńbek resýrstaryn damytý ortalyǵy» AQ vitse-prezidenti boldy.
