Belgili aitysker, «Halyq aqyny» Áselhan Qalybekova dúnieden ótti, dep habarlaidy "Ult aqparat".
Qaraly habardy Shymkent qalasy ákiminiń orynbasary Shyńǵys Muqan Facebook paraqshasynda málim etti.
«Tańmenen sýyt habar jetti. Áselhan apamyzdyń saǵaty soǵypty. Ótken aitysta tórimizdi toltyryp, jarqyrap júr edi, jaryqtyq. Amal neshik. Apamyzdyń imany joldas bolsyn. Halqymyz qazaqtyń dástúrli ónerin qaita jańǵyrtqan, jańa lep alyp kelgen aitýly aitysker aqynnan aiyrylyp qaldy. Jatqan jerińiz jaily, imanyńyz joldas bolsyn, apa! Aldyńyzdan jarylqaǵai.
Ózińizben birge bir dáýir kóshti. Ornyńyz tolsyn. Talai aqyn qyzdarǵa úlgi bolyp, jol kórsetip, kósh bastap edińiz. Jaratqan aldyńyzdy peiish, artyńyzdy kenish etkei», - dep jazdy Shyńǵys Muqan.
Áselhan Qalybekova 1950 jyly 22 sáýirde Túrkistan oblysy, Otyrar aýdany, Sháýildir aýylynda dúniege kelgen. Belgili halyq aqyny Ergóbek Quttybaiulynyń urpaǵy.
1970 jyldary aýdandyq mádeniet bóliminde, aýdandyq gazet redaktsiiasynda qyzmet etti.
1971-91 jyldary aralyǵynda aýdandyq aýa raiy mekemesinde baqylaýshy qyzmetin atqarǵan.
1981 – 1982 jyldary sýyryp salma aitys aqyndarynyń dodasyna qatysa bastady.
Ulttyq ónerge qosqan úlesi men sińirgen eńbegi úshin birneshe marapatqa ie bolǵan.
1989 jyly Qazaqstan jazýshylar odaǵynyń Jambyl atyndaǵy halyqaralyq syilyǵynyń tuńǵysh laýreaty atandy.
1990 jyly Qazaq KSR Joǵarǵy Keńesiniń 6 sáýirindegi jarlyǵy boiynsha «Qazaq KSRniń Halyq aqyny» qurmetti ataǵymen marapattaldy.
2001 jyly «Qazaqstan táýelsizdigine 10 jyl» medalimen, 2005 jyly Elbasynyń jarlyǵymen elimizdiń joǵarǵy memlekettik marapaty «Parasat ordenimen» marapattaldy.
Otyrar aýdanynyń Qurmetti azamaty qurmetti ataǵymen jáne de kóptegen medaldarmen syilyqtarmen marapattalǵan.
