1 mamyr meiramyna orai Qazaqkontsert artisteri men elimizge belgili ánshiler «Dostyǵymyz jarasqan» atty merekelik beinerolik túsirdi, dep habarlaidy "Ult aqparat".
Tatýlyq pen birliktiń qutty mekenine ainalǵan elimiz 1-mamyr kúni Qazaqstan halqy birligi kúnin atap ótedi. «Qazaqkontsert» memlekettik kontserttik uiymy jyl saiyn osy merekege orai túrli kontserttik baǵdarlamalardy ótkizýdi dástúrge ainaldyrǵan. Alaida biyl koronavirýs pandemiiasyna qarsy jariialanǵan karantin saldarynan merekelik is-sharanyń formaty ózgerdi.
Etnosaralyq tatýlyqty nyǵaitý maqsatynda 1-mamyr meiramyna orai Qazaqkontsert artisteri men elimizge belgili ánshiler «Dostyǵymyz jarasqan» atty merekelik beinerolik túsirdi. Beinematerial arqyly óner ieleri elimizdegi birlik pen kelisimdi tilge tiek etip, bul ózekti taqyrypty ánge qosty.
Aspany bir, kúni bir,
Juldyzy bir, túni bir,
Dalasy bir, gúli bir,
Armany bir, syry bir, - dep aqyn Shómishbai Sarievtiń týyndysyn oryndaǵan ónerpazdar barsha qazaqstandyqtardy aitýly merekemen quttyqtady.
«Dostyǵymyz jarasqan» atty beine quttyqtaýdy bastaǵan «Qazaqkontsert» uiymynyń direktory Jeńis Seidýllauly bul is-sharanyń maqsaty - ulttar dostyǵyn nyǵaityp, halyq birligin nasihattaý ekendigin jetkizdi.
«Halyq yntymaǵy – otanymyzdyń basty qundylyǵy. Osy baǵa jetpes bailyǵymyzdy esten shyǵarmai, bir shańyraq astyndaǵy barlyq etnostardyń dostyq qarym-qatynasyn kúsheitý óte mańyzdy. Jalpyulttyq tatýlyq pen qoǵamdyq kelisimniń erekshe modeline ainalǵan elimiz basqa elderge úlgi bola bildi. Endigi maqsat – osy qundylyǵymyzdy saqtap, óskeleń urpaqty osy igi dástúrge baýlý», - dep bólisti Jeńis Seidýllauly.
