Foto: instagram.com/serik_kaliev
Belgili aitysker aqyn Serik Qaliev baqilyq boldy. Qaraly habardy jýrnalist, zertteýshi Beken Qairatuly estirtti, - dep habarlaidy "Ult aqparat".
"Serik baýyrym Allasyna attanǵan eken. Imandy jyrlaryń men igi amaldaryń qabirde joldasyń bolǵai, otbasyńa hám týys-týǵan, dos-jarandaryńa Jaratýshy Iem sabyr bersin. Bir Alla qamqoryna alǵai, dosym. Alla Taǵala o dúniede saýabyńdy, dárejeńdi arttyrsyn jáne kúnálaryńdy keshirsin. Alladan keldik, Allaǵa qaitamyz", - dep jazdy ol Facebook paraqshasynda.
Aita keteiik, Serik Qaliev 1961 jyly 16 tamyzda Jambyl oblysy Jambyl aýdany Amangeldi aýylynda dúniege kelgen. Aitysker aqyn.
1978-1983 jyldary Jambyl gidomelioratsiialyq qurylys institýtynda oqyǵan. 1983-1995 jyldary oblystyq, respýblikalyq aqyndar aitystaryna qatysyp, júldeli oryndardy ielengen. Óleńderi 1987 jyly jas aqyndardyń "Qarlyǵash" ujymdyq jinaǵyna ("Jalyn") engen.
