Belgili aqyn, horeograf, dramatýrg Dúisenbek Naqypov qaitys boldy, dep habarlaidy "Ult aqparat".
«Meniń aǵam, aqyn, horeograf-libretist, stsenarist, úlken júrekti adam Dúisenbek Naqypov búgin, 26.05.2021 jyly ómirden ótti», - dep jazdy aqynnyń jieni Facebook-tegi paraqshasynda.
Dúisenbek Naqypov 1946 jyly Pavlodar oblysynda dúniege kelgen.
1964 jyly Máskeý akademiialyq horeografiialyq ýchilishesin bitirgen. Ataqty bishi jáne pedagog Aleksandr Rýdenkonyń synybynda oqyǵan. 1985 jyly Almatydaǵy Kirov atyndaǵy QazMÝ-di bitirgen (qazirgi Ál-Farabi atyndaǵy QazUÝ).
Almaty opera jáne balet (1964-1967 jj.), Frýnze (1967-1968 jj.), Perm (1968-1969 jj.), Samarqand (1970-1972 jj.) jáne qaita Almaty (1972-1985 jj.) teatrlarynda balet solisi boldy.
«Qazaqfilm» kinostýdiiasynda bas redaktor bolyp istegen. Galina Ýlanova, Maiia Plisetskaia, Natalia Bessmertnova jáne basqa da tanymal balet sheberlerimen jeke tanys edi.
2010 jyly Qazaqstanda alǵashqy balalar «Er tóstik» balalar ertegisi jelisimen attas baletin qurdy. 1995 jyly Almatyda onyń alǵashqy óleń kitaby «Vecher veka» jaryq kórdi.
Keiin «Pesnia molliýska» (2000 j.), «Bliznetsy» (2001 jyly, kitap avtordyń Niý-Iorkte 2001 jyly 11 qyrkúiekte bolǵan lańkestiginen 20 kúngi áserimen jazylǵan.), «Krýg pepla» romany (2006 jyly, 2009 jyly), «Vremia Re» óleńder jinaqtary shyqqan.
Aqyn, jazýshy, dramatýrg, libretist, kóptegen ádebi syiaqylardyń iegeri, Qazaqstan horeograftary keńesiniń tóraǵasy, kinostsenarist, balet teatrynyń rejisseri, birneshe mádeni jáne gýmanitarlyq baǵdarlamalardyń uiymdastyrýshysy, «Priz Ýlanovoi» Halyqaralyq balet festivaliniń Prezidenti boldy.
5 maýsymda aqyn 75 jasqa tolar edi.
