Qazaqstandyq advokat Jangeldi Súleimenov oqýshylarǵa eden jýǵyzýdy toqtatýdy talap etti. Tyiym salynbaǵan jaǵdaida ol bilim jáne ǵylym ministrligin sotqa bermek, dep habarlaidy Sputnik.
Astananyń №80 mektebinde oqýshylar edendi ózderi jýady degen aqparatqa jurtshylyq ártúrli pikir bildirdi. Bireýler eńbektiń paidasyn aityp, bul ideiany qoldasa, basqalary kámelettik jasqa tolmaǵandardyń eńbegin paidalaný dep aiyptady.
"Sonda balalarymyz dezinfektsiia eritindisin ózderi ázirleýi kerek pe? Shyn mánisinde balalarǵa las shúberekterdi ustatyp, shelekke sý quiyp bermek. Mektep oqýshylaryna eden jýǵyzýdy toqtatý úshin shara qoldanbasa, bilim ministrligin sotqa beremin", - dep jazdy Súleimenov Facebook paraqshasynda.
"Eýraziia birinshi arnasynyń" málimetine súiensek, mektep kabinetterin tazalaý bastamasyn sybailas jemqorlyqqa qarsy is-qimyl agenttiginiń ádeptilik departamenti kótergen.
