Qazaqstandyq boksshy Gennadii Golovkin amerikalyq Vanes Martirosiandy ekinshi raýndta nokaýtpen jeńgennen keiin óz pikirimen bólisti, - dep habarlaidy Tengrinews.kz tilshisi.
"Tamasha kúidemin. Qazaqstandyq dostaryma kóp raqmet, qoldaǵan barsha adamǵa raqmet! Vanes - tamasha boksshy, birneshe jaqsy soqqysyn darytty. Birinshi raýndta kezdesý qiyn bolady dep oiladym, biraq ekinshi raýndta bári de bitti. Bul Sinko de Maioǵa orai keremet syi boldy", - dedi Golovkin ringte.
Sonymen qatar, ol jaqsy qarsylas izdeitinin málimdedi. "Qyrkúiekte "Kanelomen" revansh deisiz be? Ol daiyn bolsa, biz daiyn. Kimmen bolsa da judyryqtasýǵa daiynmyn. Toǵyz jyl boiy chempionmyn, belbeýlerim tolyp jatyr. Jigitter, qoldaryńnan kelse, kelip alyp ketińder", - dep málimdedi qazaqstandyq boksshy.
Eske salaiyq, 6 qyrkúiekte tańǵy ýaqytta Karson qalasyndaǵy StubHub Center arenasynda ótken kezdesýde kezdesýde Golovkin qarsylasy Vanes Martirosiandy ekinshi raýndta nokaýtqa túsirgen bolatyn. 36 jastaǵy qazaqstandyq boksshy osymen 38-shi jeńisine qol jetkizip otyr, onyń 34-i nokaýtpen aiaqtalǵan. 32 jastaǵy Martirosian bolsa, karerasynda tórtinshi ret jeńildi. Qazaqstandyq WBA titýlyn 19-shy ret, IBO titýlyn 17 al WBC titýlyn tórtinshi ret qorǵap qalyp otyr. Osylaisha otandasymyz Bernard Hopkinstiń álem chempiony titýlyn 20 márte qorǵap qalǵan boksshy retinde rekordty qaitalady.
