قازاقستاندىق بوكسشى گەنناديي گولوۆكين امەريكالىق ۆانەس مارتيروسياندى ەكٸنشٸ راۋندتا نوكاۋتپەن جەڭگەننەن كەيٸن ٶز پٸكٸرٸمەن بٶلٸستٸ, - دەپ حابارلايدى Tengrinews.kz تٸلشٸسٸ.
"تاماشا كٷيدەمٸن. قازاقستاندىق دوستارىما كٶپ راقمەت, قولداعان بارشا ادامعا راقمەت! ۆانەس - تاماشا بوكسشى, بٸرنەشە جاقسى سوققىسىن دارىتتى. بٸرٸنشٸ راۋندتا كەزدەسۋ قيىن بولادى دەپ ويلادىم, بٸراق ەكٸنشٸ راۋندتا بەرٸ دە بٸتتٸ. بۇل سينكو دە مايوعا وراي كەرەمەت سىي بولدى", - دەدٸ گولوۆكين رينگتە.
سونىمەن قاتار, ول جاقسى قارسىلاس ٸزدەيتٸنٸن مەلٸمدەدٸ. "قىركٷيەكتە "كانەلومەن" رەۆانش دەيسٸز بە? ول دايىن بولسا, بٸز دايىن. كٸممەن بولسا دا جۇدىرىقتاسۋعا دايىنمىن. توعىز جىل بويى چەمپيونمىن, بەلبەۋلەرٸم تولىپ جاتىر. جٸگٸتتەر, قولدارىڭنان كەلسە, كەلٸپ الىپ كەتٸڭدەر", - دەپ مەلٸمدەدٸ قازاقستاندىق بوكسشى.
ەسكە سالايىق, 6 قىركٷيەكتە تاڭعى ۋاقىتتا كارسون قالاسىنداعى StubHub Center ارەناسىندا ٶتكەن كەزدەسۋدە كەزدەسۋدە گولوۆكين قارسىلاسى ۆانەس مارتيروسياندى ەكٸنشٸ راۋندتا نوكاۋتقا تٷسٸرگەن بولاتىن. 36 جاستاعى قازاقستاندىق بوكسشى وسىمەن 38-شٸ جەڭٸسٸنە قول جەتكٸزٸپ وتىر, ونىڭ 34-ٸ نوكاۋتپەن اياقتالعان. 32 جاستاعى مارتيروسيان بولسا, كارەراسىندا تٶرتٸنشٸ رەت جەڭٸلدٸ. قازاقستاندىق WBA تيتۋلىن 19-شى رەت, IBO تيتۋلىن 17 ال WBC تيتۋلىن تٶرتٸنشٸ رەت قورعاپ قالىپ وتىر. وسىلايشا وتانداسىمىز بەرنارد حوپكينستٸڭ ەلەم چەمپيونى تيتۋلىن 20 مەرتە قورعاپ قالعان بوكسشى رەتٸندە رەكوردتى قايتالادى.
