Belarýstiń Vitebsk qalasyndaǵy «Juldyzdar alańynda» qazaqstandyq tanymal ánshi Roza Rymbaevanyń juldyzy ornatyldy, dep habarlaidy "Ult aqparat".
Bul týraly ánshiniń ózi Instagramdaǵy paraqshasynda málimdedi.
Ánshi osy kúnderi Belarýste ótip jatqan «Slavian bazary» óner festivaliniń uiymdastyrýshylaryna jáne el prezidenti Aleksandr Lýkashenkoǵa alǵys bildirdi.
Eske sala keteiik, «Vitebskidegi Slavian bazarynyń» «Shekarasyz festivali» 11 shildeni Qazaqstannyń óner sheberlerine arnaǵan bolatyn. Onda «Uly dala óneri» gala-kontserti qoiyldy, jergilikti kórermender Roza Rymbaeva, Naǵima Esqalieva syndy óner ielerimen qaita qaýyshyp, Álisher Karimov, Dimash Qudaibergen sekildi jas talant ieleriniń ónerinen sýsyndady.
Kinobaǵdarlama aiasynda rejisser Aqan Sataev pen prodiýser Áliia Nazarbaevanyń «Anaǵa aparar jol» tarihi dramasy qoiyldy.
