Belarýste 9 tamyzda el prezidentiniń sailaýynda daýys berý aiaqtaldy, dep habarlaidy "Ult aqparat" álemdik BAQ-qa silteme jasap.
Belarýs OSK tóraǵasy Lidiia Ermoshina sailaýdyń sońǵy nátijesi dúisenbi kúni (Nur-Sultan ýaqytymen saǵat 05:00-de) jariialanýy múmkin dedi. Biraq VVS agenttiginiń habarlaýynsha ol áli shyqpaǵan. TASS-tyń málimetinshe, STV telearnasynyń tapsyrysy boiynsha ótkizilgen ekzitpol Aleksandr Lýkashenkoǵa 71,4%, oppozitsiianyń negizgi kandidaty Svetlana Tihanovskaiaǵa - 10,1% daýys bergenin kórsetken.
Ár túrli BAQ-tyń habarlaýynsha, jeksenbi kúni keshke Belarýstiń keibir qalalarynda sailaýdyń aldyn-ala nátijesi boiynsha narazylyq aktsiiasyy bastaldy. Túnge qarai Belarýstiń jetekshi BAQ saittarynyń jumysynda aqaý paida boldy, sonymen qatar bilik saittary, onyń ishinde 2020 jylǵy sailaýǵa arnalǵan portal da jumys istemei tur.
