Belarýs prezidenti Aleksandr Lýkashenko óz eli Ýkrainaǵa shabýyl jasaýdy josparlamaitynyn málimdedi. Bul týraly BELTA basylymy jazdy, - dep habarlaidy Massaget.kz.
"Men bul jerde qandai da bir shabýyldy josparlap jatyr dep oilamańyzdar, Belarýs aýmaǵynan Ýkrainany bombalaimyz jáne t.b. degendei. Sizdiń jáne meniń balalarymnyń soǵysqanyn qalamaimyn. Ne úshin? Bizge tynyshtaný kerek", - dedi Belarýs basshysy 19 tamyzda Brest oblysyna sapary kezinde.
Lýkashenko Belarýs qazir Belarýs azamattyǵyn alyp jatqan myńdaǵan ýkrainalyq úshin baspanaǵa ainalǵanyn atap ótti.
"Qalai jumys istep júr! Soǵan qýanyshty. Nege - sebebi olar qaiǵy-qasiretti kórdi, soǵysty bastan ótkerdi. Ol - bizdiń adamdar. Biz olardy renjitpeýimiz kerek", - dedi ol.
"Búginde eshqandai Ýkraina soǵysyp jatqan joq. Búginde búkil NATO blogy men Amerika Reseimen soǵysyp jatyr", - dedi Lýkashenko.
Onyń oiynsha, eger AQSh Polshanyń kómegimen soǵysty jalǵastyrmaǵanda Eýropa bul soǵysty áldeqashan toqtatar edi.
