QR Syrtqy ister mininstriligi Belarýs Prezidenti Aleksandr Lýkashenkonyń Qazaqstanǵa saparynyń maqsatyn aitty, dep habarlaidy QazAqparat.
«24-25 qazanda Belarýs Respýblikasynyń Prezidenti Aleksandr Lýkashenkonyń Qazaqstan Respýblikasyna resmi sapary ótedi. Belarýs Prezidentiniń saparyn ótkizýdiń negizgi maqsaty – eki memleket arasyndaǵy qatynastardy qarqyndy damytý jáne saýda-ekonomikalyq yntymaqtastyqty tereńdetýge basa nazar aýdara otyryp, ózara is-qimyldyń barlyq spektri boiynsha dástúrli dostyq Qazaqstan-Belarýs bailanystaryna qosymsha serpin berý», - dedi QR Syrtqy ister ministrliginiń resmi ókili Aibek Smadiiarov
Kelissózder barysynda halyqaralyq jáne óńirlik máseleler boiynsha syrtqy saiasi baǵyttaǵy ózara is-qimyl sharalary, ingeratsiialyq birlestikter men kópjaqty uiymdardaǵy eki eldiń qyzmeti, sondai-aq Qazaqstan-Belarýs yntymaqtatyǵyn odan damytý perspektivalary talqylanady.
«Taraptar saýda-ekonomikalyq, taranzittik-kóliktik jáne otyn-energetikalyq yntymaqtastyqty, ónerkásiptik kooperatsiiany, IT jáne joǵary tehnologiialar salasyndaǵy ózara is-qimyldy keńeitýdiń birlesken tásilderin qarastyrady. Kelissózder qorytyndysy boiynsha, memleket basshylary birlesken málimdeme qabyldap, yntymaqtastyqtyń túrli salalaryndaǵy birqatar ekijaqty kelisimderge qol qoiady dep kútilýde. Sonymen qatar, sapar aiasynda Qazaqstan-Belarýs biznes-forýmy ótip, onyń barysynda kásipkerlik qoǵamdastyqtyń aldynda turǵan perspektivalar men mindetter talqylanady», - dedi resmi ókil.
