Biylǵy 24-25 qazan kúnderi memleket basshysy Qasym-Jomart Toqaevtyń shaqyrýy boiynsha Belarýs Respýblikasynyń Prezidenti Aleksandr Lýkashenko Qazaqstan Respýblikasyna resmi saparmen keledi, dep jazdy Prezidenttiń baspasóz hatshysy Berik Ýáli Facebook-tegi paraqshasynda.
«Joǵary deńgeide ótetin kelissózder barysynda Qazaqstan men Belarýs arasyndaǵy strategiialyq seriktestiktiń ahýaly men perspektivalary talqylanatyn bolady.
Sonymen qatar memleketter basshylary TMD, Eýraziialyq ekonomikalyq odaq jáne basqa da kópjaqty qurylymdar aiasyndaǵy eki eldiń ózara yqpaldastyǵyn damytý, sondai-aq, óńirlik jáne halyqaralyq kún tártibindegi mańyzdy máseleler jóninde pikir almasady dep josparlanýda. Sapar qorytyndysy boiynsha birqatar ekijaqty kelisimderge qol qoiylady» degen ol óz jazbasynda.
