Belarýs Prezidenti Aleksandr Lýkashenko qatysqan jiynda Jeńis kúnine arnalǵan is-shara men epidemiologiialyq jaǵdai talqylandy, dep habarlaidy BELTA agenttigi.
«Qazirgi kúni indettiń taralýyn birqalypty ustap turmyz. Infektsiialyq aýrýlarǵa qatysty aitar bolsaq, biz maǵan eki ai buryn baiandalǵan boljam boiynsha kele jatyrmyz», - dep málimdedi memleket basshysy.
Aleksandr Lýkashenko Jeńis kúnine arnalǵan is-shara buryn usynylǵanyn atap ótti.
«Biz qazir jospar boiynsha kele jatyrmyz. Oǵan qosa, is-sharany bizdiń shekaramyzda ótip jatqan NATO oqýmen bailanystyryp keń aýqymda qarastyryp jatyrmyz. Meniń oiymsha, biz Soltústik Atlant blogy bizdiń shekaralarymyzda josparlaǵan is-sharalarǵa den qoiýda. Birlesip belgilegen jospardan millimetrge de sheginbedik. Ras, «NATO burynǵydai aýqymdy is-shara ótkizýdi josparlamady» dep málimdelgennen keiin túzetý engizildi. Sáikesinshe, biz ony durys qabyldadyq», - dep málimdedi Aleksandr Lýkashenko.
Jalpy Prezident epidemiologtar men virýsologtardyń pikirinshe, parad qaýipti emes ekenin atap ótti.
«Óitkeni ol laiyqty túrde uiymdastyrylady. Bul týraly biz keiinirek aitamyz. Múmkin sol parad tribýnasynan habarlarmyz», - dedi ol.
Onyń aitýynsha, keibir áskeri bólimsheler ǵana qazir poligondarda, jattyǵýyn jalǵastyryp jatyr.
«Biraq negizgi áskeriler turaqty dislokatsiia ornyna – kazarmalarǵa qaitaryldy», - dep atap ótti Aleksandr Lýkashenko.
