Bokstan Qazaqstan erler quramasynyń bas bapkeri Ǵalymbek Kenjebaev Tokio Olimpiadasynda 81 kelide óner kórsetetin Bekzat Nurdáýletovtiń alǵashqy qarsylastary týraly pikir bildirdi, dep habarlaidy QazAqparat.
«Bekzattyń jerebesi ońai dep aitýǵa bolmaidy. Reseilik Imam Hataev degen boksshy – óte myqty sportshy. Fizikalyq jaǵynan, psihologiialyq jaǵynan da myǵym. Sol jekpe-jekti jaqsy ótkizse, ári qarai biz biletin Ispaniianyń ulty daǵystandyq boksshysy bar. Sheshenstandyq Hataev ta, bul daǵystandyq ta fizikalyq jáne psihologiialyq jaǵynan myǵym keletinin bilip otyrsyzdar. Bekzatqa osy birinshi jekpe-jekterden jaqsylap ótý kerek. Onyń daiyndyǵy jaqsy. Bekzatqa senemiz. Jeke bapkeri Marat Jákiev te qasynda. Daiyndyq erekshe bolyp jatyr. Bekzattan biz úmit kútemiz», - dedi Ǵalymbek Kenjebaev.
