Shymkent qalasynda ótip jatqan bokstan Qazaqstan chempionatynda tartysty jekpe-jektiń biri 81 kg salmaqta mańǵystaýlyq Bekzat Nurdáýlet pen elordalyq Nurbek Oralbaidyń arasynda boldy, dep habarlaidy "Ult aqparat".
B. Nurdáýlet 2019 jylǵy álem chempiony bolsa, 20 jastaǵy qarsylasy da osal emes.
N.Oralbai jastar arasyndaǵy álem birinshiliginde top jarǵan edi.
Bul básekede bes tóreshi túgeldei jeńisti Bekzatqa berdi.
B.Nurdáýlet jekpe-jekten keiingi suhbatynda elimizde jas boksshylardyń qaýlap ósip kele jatqanyn jetkizdi.
57 kg salmaqta tartysty jekpe-jekte pavlodarlyq Serik Temirjanov aqmolalyq Orazbek Asylqulovty tóreshilerdiń biraýyzdan sheshimimen jeńdi.
60 kg salmaqta finalda mańǵystaýlyq Samatáli Tóltaev pen shyǵysqazaqstandyq Beknur Ojanov judyryqtasty. Munda S.Tóltaevtyń mereii ústem boldy.
Erler arasynda finaldyq jekpe-jekter odan ári jalǵasýda.
