Ekpeden soń koronavirýsqa qarsy immýnitet tómendeidi, sondyqtan revaktsinatsiia qajet. Bul týraly Óńirlik kommýnikatsiialar qyzmetinde ótken baspasóz máslihatynda qalanyń bas sanitarlyq dárigeri Jandarbek Bekshin aitty, dep habarlaidy QazAqparat.
Spikerdiń sózinshe, Almatyda ázirge koronavirýsqa qarsy jetkilikti ujymdyq immýnitet qalyptasqan joq.
«Eske salsaq, ujymdyq immýnitet – infektsiiany toqtatýdyń jáne halyqtyń boiynda dertke qarsy qabiletti qalyptastyrýdyń birden bir joly. Vaktsinatsiia jáne revaktsinatsiia infektsiianyń aldyn alady. Ázirge biz immýndyq qabattyń 56%-na jettik. Bul rette táýlik saiyn halyqtyń 0,1%-y ǵana vaktsinatsiialanady. Ujymdyq immýnitettiń osyndai qarqynymen kem degende 75%-ǵa biz kelesi jyldyń mamyr aiynda ǵana qol jetkizemiz», - deidi Jandarbek Bekshin.
Onyń aitýynsha, qalada koronavirýstyń taralýy jalǵasýda, bul vaktsinalanbaǵan azamattar úshin erekshe qaýipti. Ol eresekterdi odan ári vaktsinalaý jáne 12 jastan asqan jasóspirimderge, júkti jáne bala emizetin áielderge ekpe salý arqyly ujymdyq immýnitetti 80%-ǵa deiin jetkizý qajettigin atap ótti.
Almatynyń bas sanitarlyq dárigeri vaktsinatsiia qarqynyn arttyrýmen qatar, qala turǵyndary revaktsinatsiiaǵa kelýget shaqyrdy.
«Bul meditsinada múldem qalypty qubylys, óitkeni barlyq infektsiia bir ret aýyrǵannan keiin turaqsyz immýnitet beredi. Kóptegen vaktsinany salǵan soń belgili bir ýaqyttan keiin qaita egý qajet», - dedi ol.
Qalada koronavirýsqa qarsy revaktsinatsiia 22 qarashadan bastalady. «Revaktsinatsiia óte qajet. Bul ujymdyq immýnitetti qalyptastyrýǵa kómektesedi jáne virýstyń odan ári mýtatsiialanýyna jol bermeidi. Bizdiń baqylaýymyz boiynsha, vaktsinatsiialanǵan antidenelerdiń deńgeii ýaqyt óte kele, 6 aidan 9 aiǵa deiin tómendeidi, iaǵni aýrýdyń yqtimaldyǵy artady. Kóptegen elder qazirdiń ózinde revaktsinatsiia naýqandaryn belsendi júrgizýde. Aralyq vaktsinany qart adamdarǵa qoldaný óte mańyzdy, óitkeni Almatyda 60 jastan asqan adamdar arasynda virýs juqtyrý 5 paiyzǵa óskeni baiqalady. Bul rette, mektep oqýshylaryn vaktsinatsiialaý da óte mańyzdy», - deidi Jandarbek Bekshin.
Almatylyq epidemiologtardyń málimetinshe, biyl qalada vaktsinanyń eki komponentimen egilgennen keiin 2 680 naýqas tirkelgen, onyń ishinde 360 adam qaita aýyrǵan.
