Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda Arbattyń jabylý sebebin túsindirdi, dep habarlaidy "Ult aqparat".
«Jaiaý júrginshiler aimaǵynda, birinshi kezekte Jibek Joly, Panfilov, saiabaq aimaqtarynda adamdar kóp jinalatyny baiqalady. Myńdaǵan adam. Elde infektsiia tarap jatyr. Fotoderekter tirkelgen. Turǵyndar Almaly ákimdigine shaǵymdanyp jatyr. Zańbuzýshylyq kóp, onyń ishinde tynyshtyqty buzý jáne basqalary. Pilottyq jobada shekteý qandai nátije beretinin kórýdi uiǵardyq», - dedi Jandarbek Bekshin.
Sonymen qatar Almaly ákimdigi shekteý sanitariia turǵysynan kóshelerde tártip ornatýǵa, sondai-aq halyqtyń jinalý jaǵdailaryn toqtatýǵa múmkindik bergenin aitty.
«Osyǵan bailanysty jaqyn arada biz Jibek Joly kóshesinde qozǵalysty toqtatý jaǵyn, sondai-aq saiabaqtarǵa shekteý engizý máselesin qarastyramyz. Adamdar maska rejimin saqtamaidy, jastar 20-30 adamnan toptanyp jinalady. Mundai jaǵdaida koronvirýs juqtyrý jaǵdaiyn turaqtandyra almaimyz», - dedi ol.
