Almatyda koronavirýsqa qarsy ujymdyq immýnitet qala halqynyń 56 paiyzǵa jetti. Bul týraly brifing barysynda qalalyq sanitariialyq-epidemiologiialyq baqylaý departamentiniń basshysy Jandarbek Bekshin málim etti, dep habarlaidy QazAqparat.
«Búgingi kúni qalada koronavirýsqa qarsy ujymdyq immýnitet 56% - ǵa jetti. (vaktsinatsiialanǵandardyń 48% - y jáne aýyryp jazylǵan adamdardyń 8% - y), vaktsinatsiia qarqyny táýligine 0,1% - dy quraidy. 2022 jyldyń mamyr aiynda, iaǵni 6 aidan keiin 75% - ǵa qol jetkizetin bolamyz», - dedi Jandarbek Bekshin.
Sonymen qatar, ol vaktsinatsiialanǵan jáne aýyryp jazylǵan adamdarda 6-9 ai ótkennen keiin antidenelerdiń tómendeýi baiqalatynyn aitty.
«Almatyda vaktsinanyń eki komponentin alǵandar arasynda KVI – diń 2680 jaǵdaiy (vaktsinatsiianyń 21 kúninen keiin) jáne aýyryp jazylǵan adamdar arasynda KVI-diń 360 qaitalama jaǵdaiy (aptasyna 10 jaǵdai) tirkeldi, bul vaktsinatsiianyń baiaý qarqynymen qatar COVID-19 virýsy delta shtamynyń mýtatsiialanýy jáne indettiń jańa órshýine jaǵdai jasaidy. Virýstyń kezekti mýtatsiiasynyń aldyn alý úshin vaktsinatsiialanǵan halyqty aǵymdaǵy jyldyń 22 qarashasynan bastap shuǵyl qaita vaktsinatsiialaý qajet», - dedi ol.
