Almatyda koronavirýsqa bailanysty epidemiologiialyq ahýal kúrdelene tústi. Bul týraly búgin onlain brifing barysynda qalalyq Sanitariialyq-epidemiologiialyq baqylaý departamentiniń basshysy-bas memlekettik sanitar dáriger Jandarbek Bekshin aitty, dep habarlaidy "Ult aqparat".
«Almatyda epidemiologiialyq jaǵdai kúrdelene tústi. Sońǵy táýlikte megapoliste 437 adamnan koronavirýs anyqtaldy. Osyǵan bailanysty sán salondaryna tek shash qiiýǵa ǵana ruqsat. Basqa qyzmetterge tyiym salynady. Saýda ortalyqtary men saýda úileri 20 naýryzdan 28 naýryzǵa deiin jabyq bolady. Qoǵamdyq tamaqtaný oryndaryna tamaqty tapsyryspen jetkizip berýge ruqsat etiledi», - deidi ol.
Sporttyq keshender de jumys istemeidi.
«Medeý» men «Shymbulaq» shańǵy kýrortynda jappai syrǵanaýǵa tyiym salynady. Kelýshiler sany 50% (1000 adamǵa deiin) azaitylýy kerek. «Shymbulaq» taý kýrortyndaǵy qoǵamdyq tamaqtaný obektilerine saǵat 7:00-den 21:00-ge deiin, tek jazǵy alańdardyń jumys isteýine ruqsat etiledi», - deidi Jandarbek Bekshin.
Halyqqa qyzmet kórsetý ortalyqtary men «Qazpochta» AQ bólimsheleri aldyn ala jazylý boiynsha tańǵy saǵat 9:00-den 18:00-ge deiin jumys isteidi.
«Kóńil kóterý mekemeleriniń (karaoke, biliard, kompiýterlik jáne túngi klýbtar men oiyn klýbtary, boýling ortalyqtary, balalar sporty men oiyn alańdary, attraktsiondar, batýttar jáne býkmekerlik keńseler men lotoreialyq klýbtardyń) qyzmetine tyiym salynady», - dep atap ótti spiker.
Mynadai sharalar qabyldandy:
- oflain oqityn synyptarda bala sany 25-ten 15-ke deiin azaidy;
- mektepterde qoǵamdyq tamaqtaný qyzmeti toqtatyldy;
- 500 sharty metrge deiingi, jeke turǵan azyq-túlik emes dúkenderdiń jumys ýaqyty 10.00-den 20.00-ge deiin qysqardy;
- shashtaraz salondary aldyn ala jazylý boiynsha tek shash qiiý qyzmetin kórsetedi;
- manikiýr, pedikiýr jáne kosmetologiialyq qyzmet kórsetetin sulýlyq salondary jabylady;
- meimanhanalar, qonaq úiler, kýrorttyq uiymdar, demalys úileriniń tolymdylyǵy 50%-ten aspaýy kerek;
- saýda oiyn-saýyq ortalyqtary, saýda úileri, azyq-túlik emes bazarlar 21 men 28 naýryz aralyǵynda tolyǵymen qyzmetin toqtatady;
- dámhanalar men meiramhanalar tamaqty ózimen birge áketý jáne jetkizý qyzmetin ǵana kórsetedi;
- kitaphanalar ýaqytsha jumys istemeidi;
- jumys kúnderi qoǵamdyq kólik shtatty rejimde, al demalys jáne mereke kúnderi tańerteń 6.00-den 10.00-ge deiin, keshke – 17.00-den 22.00-ge deiin;
- sport nysandary jabylady;
- HQKO demalys jáne mereke kúnderi jumys istemeidi, jumys kúnderi – jazylý boiynsha 9:00-den 18:00-ge deiin;
- Medeý muz aidynynda jappai syrǵanaýǵa tyiym salyndy;
- Shymbulaq kýrortynda adamdar sany 500-den aspaýy tiis;
- Shymbulaqta qoǵamdyq tamaqtaný nysandary tek ózimen birge alyp ketý jáne jetkizý qyzmetin kórsetedi;
- "Ashyq" baǵdarlamasyna engenderdi qospaǵanda, biliard, kompiýterlik klýbtar jabyq bolady.
