الماتىدا كوروناۆيرۋسقا بايلانىستى ەپيدەميولوگييالىق احۋال كٷردەلەنە تٷستٸ. بۇل تۋرالى بٷگٸن ونلاين بريفينگ بارىسىندا قالالىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى-باس مەملەكەتتٸك سانيتار دەرٸگەر جانداربەك بەكشين ايتتى, دەپ حابارلايدى "ۇلت اقپارات".
«الماتىدا ەپيدەميولوگييالىق جاعداي كٷردەلەنە تٷستٸ. سوڭعى تەۋلٸكتە مەگاپوليستە 437 ادامنان كوروناۆيرۋس انىقتالدى. وسىعان بايلانىستى سەن سالوندارىنا تەك شاش قييۋعا عانا رۇقسات. باسقا قىزمەتتەرگە تىيىم سالىنادى. ساۋدا ورتالىقتارى مەن ساۋدا ٷيلەرٸ 20 ناۋرىزدان 28 ناۋرىزعا دەيٸن جابىق بولادى. قوعامدىق تاماقتانۋ ورىندارىنا تاماقتى تاپسىرىسپەن جەتكٸزٸپ بەرۋگە رۇقسات ەتٸلەدٸ», - دەيدٸ ول.
سپورتتىق كەشەندەر دە جۇمىس ٸستەمەيدٸ.
«مەدەۋ» مەن «شىمبۇلاق» شاڭعى كۋرورتىندا جاپپاي سىرعاناۋعا تىيىم سالىنادى. كەلۋشٸلەر سانى 50% (1000 ادامعا دەيٸن) ازايتىلۋى كەرەك. «شىمبۇلاق» تاۋ كۋرورتىنداعى قوعامدىق تاماقتانۋ وبەكتٸلەرٸنە ساعات 7:00-دەن 21:00-گە دەيٸن, تەك جازعى الاڭداردىڭ جۇمىس ٸستەۋٸنە رۇقسات ەتٸلەدٸ», - دەيدٸ جانداربەك بەكشين.
حالىققا قىزمەت كٶرسەتۋ ورتالىقتارى مەن «قازپوچتا» اق بٶلٸمشەلەرٸ الدىن الا جازىلۋ بويىنشا تاڭعى ساعات 9:00-دەن 18:00-گە دەيٸن جۇمىس ٸستەيدٸ.
«كٶڭٸل كٶتەرۋ مەكەمەلەرٸنٸڭ (كاراوكە, بيليارد, كومپيۋتەرلٸك جەنە تٷنگٸ كلۋبتار مەن ويىن كلۋبتارى, بوۋلينگ ورتالىقتارى, بالالار سپورتى مەن ويىن الاڭدارى, اتتراكتسيوندار, باتۋتتار جەنە بۋكمەكەرلٸك كەڭسەلەر مەن لوتورەيالىق كلۋبتاردىڭ) قىزمەتٸنە تىيىم سالىنادى», - دەپ اتاپ ٶتتٸ سپيكەر.
مىناداي شارالار قابىلداندى:
- وفلاين وقيتىن سىنىپتاردا بالا سانى 25-تەن 15-كە دەيٸن ازايدى;
- مەكتەپتەردە قوعامدىق تاماقتانۋ قىزمەتٸ توقتاتىلدى;
- 500 شارتى مەترگە دەيٸنگٸ, جەكە تۇرعان ازىق-تٷلٸك ەمەس دٷكەندەردٸڭ جۇمىس ۋاقىتى 10.00-دەن 20.00-گە دەيٸن قىسقاردى;
- شاشتاراز سالوندارى الدىن الا جازىلۋ بويىنشا تەك شاش قييۋ قىزمەتٸن كٶرسەتەدٸ;
- مانيكيۋر, پەديكيۋر جەنە كوسمەتولوگييالىق قىزمەت كٶرسەتەتٸن سۇلۋلىق سالوندارى جابىلادى;
- مەيمانحانالار, قوناق ٷيلەر, كۋرورتتىق ۇيىمدار, دەمالىس ٷيلەرٸنٸڭ تولىمدىلىعى 50%-تەن اسپاۋى كەرەك;
- ساۋدا ويىن-ساۋىق ورتالىقتارى, ساۋدا ٷيلەرٸ, ازىق-تٷلٸك ەمەس بازارلار 21 مەن 28 ناۋرىز ارالىعىندا تولىعىمەن قىزمەتٸن توقتاتادى;
- دەمحانالار مەن مەيرامحانالار تاماقتى ٶزٸمەن بٸرگە ەكەتۋ جەنە جەتكٸزۋ قىزمەتٸن عانا كٶرسەتەدٸ;
- كٸتاپحانالار ۋاقىتشا جۇمىس ٸستەمەيدٸ;
- جۇمىس كٷندەرٸ قوعامدىق كٶلٸك شتاتتى رەجيمدە, ال دەمالىس جەنە مەرەكە كٷندەرٸ تاڭەرتەڭ 6.00-دەن 10.00-گە دەيٸن, كەشكە – 17.00-دەن 22.00-گە دەيٸن;
- سپورت نىساندارى جابىلادى;
- حقكو دەمالىس جەنە مەرەكە كٷندەرٸ جۇمىس ٸستەمەيدٸ, جۇمىس كٷندەرٸ – جازىلۋ بويىنشا 9:00-دەن 18:00-گە دەيٸن;
- مەدەۋ مۇز ايدىنىندا جاپپاي سىرعاناۋعا تىيىم سالىندى;
- شىمبۇلاق كۋرورتىندا ادامدار سانى 500-دەن اسپاۋى تيٸس;
- شىمبۇلاقتا قوعامدىق تاماقتانۋ نىساندارى تەك ٶزٸمەن بٸرگە الىپ كەتۋ جەنە جەتكٸزۋ قىزمەتٸن كٶرسەتەدٸ;
- "اشىق" باعدارلاماسىنا ەنگەندەردٸ قوسپاعاندا, بيليارد, كومپيۋتەرلٸك كلۋبتار جابىق بولادى.
