«Bekire» aktsiiasy barysynda zańsyz aýlanǵan 21 tonna balyq tárkildendi. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
Onyń atap ótýinshe, Jaiyq-Kaspii basseininde zańsyz balyq alýlaýdyń aldyn aldyn alýǵa baǵyttalǵan «Bekire» aktsiiasy ótkizildi. Aktsiia aiasynda Atyraý, Mańǵystaý, Batys Qazaqstan oblystarynyń Politsiia departamentteri balyq jáne balyq ónimderin zańsyz aýlaýdyń, satýdyń aldyn alýǵa baǵyttalǵan jedel izdestirý is-sharalaryn júrgizdi.
«Is-shara sáýir aiynan bastap UQK Shekara qyzmeti, tabiǵatty qorǵaý prokýratýrasy, kedendik baqylaý jáne balyq qorǵaý organdarymen birge júrgizildi. Batys óńirdiń politsiia organdary 419 quqyq buzýshylyqty, onyń ishinde zańsyz balyq aýlaýdyń 259 faktisin anyqtady. 419 quqyq buzýshy ustalyp, 21 tonnadan astam balyq tárkilendi. Onyń ishinde 4,5 myń tonna bekire tuqymdas balyq bar. Sonymen qatar 242 aýlaý quraly, 13 úzý quraly tárkilendi», - dedi ol.
Resmi ókildiń dereginshe, balyq resýrstaryn zańsyz aýlaý, qylmystyq jolmen aýlanǵan balyqty satyp alý jáne satýǵa qatysty 67 qylmystyq is tirkeldi.
«Qazirgi ýaqytta 8 qylmystyq is sotqa jiberildi. 352 ákimshilik hattama toltyrylyp, 6 mln teńgege aiyppul salyndy. Máselen, Fort-Shevchenko qalasynda jergilikti turǵynnyń úiinen 900 kelige jýyq bekire balyǵy tabyldy. Atyraý oblysynyń sý politsiiasy qyzmetkerleri Atyraý qalasy turǵynynan jalpy salmaǵy 1 tonnaǵa jýyqtaityn zańsyz aýlanǵan 247 bekire balyǵyn tárkiledi. Atalǵan faktiler boiynsha sotqa deiingi tergeý júrgizilip jatyr», - dedi Nurdildá Oraz.
