Ádilet ministri Marat Beketaev Parlament Senatynda zań shyǵarý protsesin jetildirý máseleleri boiynsha ótken úkimet saǵatynda álemdik praktikalardy engizý máselesi týraly aitty, dep habarlaidy Baq.kz tilshisi.
Onyń aitýynsha, syrtqy koniýnktýranyń turaqsyz jaǵdaiynda zańdarǵa jii túzetýler engizý nemese jańa jobalaryn ázirleý qalypty protsess jáne bul qoldanystaǵy zańnamanyń sapasyna bailanysty emes.
«Eger jaqynda qabyldanǵan zańnamalyq ózgeristerge teris saldaryna orai túzetýler engizilse, bul basqa másele. Munda, zań shyǵarý sapasyna qoiylatyn suraqtar týyndaý kerek. Zańnamalyq ózgeristerdiń teris saldary, ádettegidei, eki jaǵdaida týyndaidy. Birinshisi – ázirleýshi saldardy durys boljamaǵanda, ekinshisi – engizilgen ózgertýler oń bolǵanda», - dedi Ádilet ministri.
Osyǵan bailanysty ol Ulybritaniia tájiribesin mysalǵa aldy. Bul elde zań jobasy Parlamentke engizilgenge deiin aldyn ala Jasyl kitap jáne Aq kitap paidalanylady. Olar jappai tirajben jariialanady nemese aldyn ala konsýltatsiialar júrgizetin belgili adamdar tobyna tikelei jiberiledi.
Jasyl kitap – bul konsýltativtik sipattaǵy qujattar. Olar memlekettik organdar júrgizip otyrǵan saiasatqa qatysty pikirler men usynystardy jinaý úshin Úkimetpen birge daiyndalady.
Konsýltatsiialar júrgizilip ótkizilgennen keiin, odan ári yqpaldy Aq kitap jariialanady. Bul, Úkimettiń naqty bir saladaǵy bolashaq saiasaty týraly málimdemesin bildiredi. Onda zań jobasynyń aldyn-ala daiyndalǵan nusqasy bolýy múmkin, keiinnen kelip túsken eskertýler men usynystarǵa sáikes ózgertilýi múmkin.
«Bizdiń zań shyǵarý protsesimizge osy tájiribeni engizýdiń oryndylyǵy turǵysynan ony tereńirek zerdeleýdi josparlap. Eger biz eń úzdik álemdik praktikany tiimdi engizgimiz kelse, jańa tájiribeni jyldam zerdeleýge múmkindigimiz bolýy qajet. Negizgi trendtter men tabysty tájiribeni zerdeleý zań jobalaý qyzmetiniń mańyzdy elementi bolyp tabylady», - dedi Beketaev.
