QR Ádilet ministri Marat Beketaev ózin laýazymdy qyzmetinen otstavkaǵa ketýin talap etip, petitsiia ázirlegenderge jaýap berdi, dep habarlaidy "Ult aqparat".
«Shynymen de petitsiia mátinimen tanysyp shyqtym jáne osyǵan qatysty mynany aitqym keledi. «Ákimshilik protsedýralar týraly» zańǵa sáikes, bul petitsiia úndeý sanalady jáne atalǵan Zań boiynsha laýazymdy tulǵanyń belgili bir is-áreketin daýlaityn úndeý sol laýazymdy tulǵanyń ózine baǵyttalmaýy tiis. Sonymen qatar Zań is-áreketi qandai da bir túrde daýlanatyn laýazymdy tulǵaǵa úndeýdiń qaralý protsesine kedergi keltirýge umtylýǵa, onyń ishinde mundai úndeýdiń mazmunyna jariia túrde pikir bildirýge tyiym salady. Basqasha aitar bolsaq, «Ákimshilik protsedýralar týraly» zań maǵan atalǵan petitsiia mazmunyna pikir bildirýge tyiym salady. Otstavkaǵa ótinish bereiin dep otyrǵanym joq», - dedi Marat Beketaev Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Buǵan deiin BAQ-ta bastamashy toptyń Ádilet ministri Marat Beketaevty otstavkaǵa jiberýin talap etken peditsiia qol jinap jatqany habarlanǵan bolatyn.
