- Jer komissiiasyn qurý týraly naǵyz halyqtyq sheshimdi shyǵarǵan Elbasy Nursultan Nazarbaevqa rizashylyǵymyzdy bildirýimiz kerek. Bul týraly búgin Jer reformasy jónindegi komissiianyń otyrysynda QR Parlamenti Májilisiniń depýtaty Bekbolat Tileýhan málim etti. Bul týraly QazAqparat agenttigi jazady.
«Qandaida bir máseleni aqyl-parasatpen sheshý kerek dep eskerte otyryp, jer reformasy boiynsha komissiia qurý týraly naǵyz halyqtyq sheshimdi shyǵarǵan Elbasy Nursultan Nazarbaevqa rizashylyǵymyzdy bildirýimiz kerek dep oilaimyn. Bul elimizdiń demokratiialanýy jolyndaǵy sony úrdis boldy, komissiia birneshe ai boiy júrgizgen jumysy aýqymdy ári nátijeli bolǵanyna barlyqtaryńyz kýásizder. Syndarly suhbat oryn aldy. Árbir komissiia múshesi shyn máninde naqty nátijege qol jetkizý jolynda jumys istedi. Sonymen qatar komissiia aiasynda qurylǵan myna 4 jumys tobynyń atsalysýymen kólemdi jumystar atqaryldy. Kun tártibine jer men halyqtyń taǵdyry shyǵarylǵandyqtan, halyq tys qalǵan joq, óz oilaryn bildirdi. Barlyq pikirler qaralyp, saralandy»,-dedi depýtat.
Sondai-aq onyń pkiri boiynsha, jerdi jalǵa berýge qatysty moratoriidi 5 jylǵa sozýdy qoldaý qajet.
«Meniń paiymdaýymsha, jerge qatysty túiindi máselelerdi bir sátte, túbegeili sheshe salý múmkin emes. El múddesindegi másele de júieli túrde qaralýyn talap etedi. Óitkeni úsh aida biz halyqtyń pikirine qanyqtyq, buqara talaby, halyqtyń aýany belgili boldy. Eldiń kókeiindegi túitkildi máselelerdi sheshýdiń eń bir utymdy ádisin jańa Asqar Isabekuly (Myrzahmetov, komissiia tóraǵasy - red.) aityp ótken siiaqtysyz, shynynda da 49 jylǵa berý ornynda qalsa, shekti mólsheri, jaiylym, shabyndyq máseleleri aityldy. Sonyń ishinde airyqsha eldiń kókeiinde negizgi jerdiń sheteldikterge jalǵa berilýine qatysty, jerdiń satylýyna bailanysty birden sheshile salatyn nárse emes, oǵan moratorii jariialap, oǵan toqtaýy qajet degen máseleni biz de usynǵan bolatynbyz. Aldaǵy ýaqytta jerge qatysty máselelerdi baiyppen, asyqpai, sheshimin tappaǵan barlyq máselelerdi sheshý boiynsha keshendi jumys jasaýymyz kerek. Sonymen birge endi myna «kúltóbeniń basynda kúnde jiyn» jasai berýdiń qanshalyqty qajeti bar dep oilaimyn. Toqsan aýyz sózdiń tobyqtai túiinin jasaityn ýaqyt kelgen siiaqty», - dedi Jer reformasy boiynsha komissiianyń múshesi.
.jpeg)