Tutynýshylardyń quqyǵyn qorǵaý komiteti «Bek Air» áýekompaniiasyna qatysty talap aryzdy tolyqtyrmaq, dep habarlaidy "Ult aqparat" komitettiń baspasóz qyzmetine silteme jasap.
Aita ketsek, 2020 jyldyń 31 qańtarynda Tutynýshylar quqyǵyn qorǵaý komiteti «Bek Air» áýekompaniiasyna tutynýshylar quqyǵynyń buzylýyna bailanysty talap-aryz bergen bolatyn. Talap aryzǵa satyp alynǵan aviabiletterge aqshasy qaitarylmaǵan 20 tutynýshynyń ótinishi negiz bolǵan.
«Sotqa talap-aryz bergen sátten bastap «Bek Air» áýekompaniiasyna qatysty Tutynýshylardyń quqyǵyn qorǵaý komitetiniń «shuǵyl jelisine» 100-den astam adam ótinish keldi. 57 tutynýshynyń buzylǵan quqyǵyn qalpyna keltirý boiynsha 32 ótinish tústi. 10 aqpanǵa deiin komitet jalpy somasy 2 146 199 teńgege 77 tutynýshynyń buzylǵan quqyǵyn qalpyna keltirý úshin 44 ótinishti qabyldady», - dep habarlaidy komitetten.
Tutynýshylar QR Saýda jáne integratsiia ministrliginiń Tutynýshylardyń quqyǵyn qorǵaý komitetine «shuǵyl jeli» telefondaryna keńes alý úshin myna nómirge habarlasa alady: 74-98-32, 74-98-36. Osydan keiin ótinishter komitetke (Nur-Sultan qalasy Máńgilik el dańǵyly, 8, «Ministrlikter úii», 2 kireberis) joldanady.
Sonymen qatar, ótinishti «Elektrondyq úkimet» (egov.kz). portalyna jiberýge bolady.
Ótinishterdi belgilengen úlgide jiberý qajet. Ony «shuǵyl jelige» qońyraý shalyp nemese komitettiń saityndaǵy siltemeden kóshirip alý qajet. Budan bólek, fiskaldyq chekterdiń nemese basqa da rastaityn qujattardyń, biletterdiń jáne jeke basyn kýálandyratyn qujattardyń kóshirmelerin qosa berý kerek.
