QR Indýstriia jáne infraqurylymdyq damý ministrligi Úkimettiń tapsyrmasy boiynsha «Bek Air» áýe kompaniiasynyń ushaǵyna mine almaǵandar úshin «Nur-Sultan-Almaty» baǵytymen qosymsha poiyz qyzmetin uiymdastyrmaq, dep habarlaidy "Ult aqparat".
Ministrlik taratqan málimetterge qaraǵanda, poiyz 2019 jyldyń 30 jeltoqsany kúni saǵat 22:03-te Nur-Sultan-1 stantsiiasynan shyǵyp, osy jyldyń 31 jeltoqsany kúni saǵat 17:30-da Almaty-2 stantsiiasyna keledi.
Poiyz ministrlik tarapynan biýdjettik josparlaý baǵdarlamasy aiasynda satyp alynǵan 16 jańa kýpelik vagonnan qurylǵan.
Jolaýshylar biletterdi temirjol vokzaldary men tasymaldaýshy kompaniianyń www.bilet.railways.kz saity arqyly satyp ala alady.
Bul máseleniń egjei-tegjeiin bilý úshin temirjol vokzaldarynyń 105 nómirli anyqtama qyzmetine telefon shalý kerek.
